കൊച്ചി: തൃക്കാക്കര മുനിസിപ്പാലിറ്റി, ഇന്ത്യൻ സൈക്കാട്രിക് സൊസൈറ്റി കൊച്ചി ശാഖ, ആത്മഹത്യാ പ്രതിരോധ സംഘടനയായ മൈത്രി എന്നിവ സംയുക്തമായി കാക്കനാടുള്ള മുനിസിപ്പൽ കമ്യൂണിറ്റി ഹാളിൽ നാളെ ലോക ആരോഗ്യ ദിനാചരണം നടത്തും.
വിഷാദരോഗാവസ്ഥ ഗൗരവമുള്ള പൊതുജന ആരോഗ്യപ്രശ്നമെന്ന് ഉയർത്തി കാട്ടി അതേക്കുറിച്ച് ചർച്ച ചെയ്യുകയെന്നതാണ് ഈ വർഷത്തെ ലോകാരോഗ്യ ദിനത്തിലെ പ്രമേയം.മുനിസിപ്പൽ പരിധിയിലുള്ള വിഷാദരോഗത്തിനടിമപ്പെട്ടവരെ കണ്ടെത്താനും, പ്രാഥമിക മനഃശാസ്ത്ര സഹായം നൽകാനും വിദഗ്ധ പരിചരണം വേണ്ടവരെ അതിനായി പ്രേരിപ്പിക്കാനുമുള്ള പരിശീലനം കമ്യൂണിറ്റി പ്രവർത്തകർക്ക് ഇതോടനുബന്ധിച്ചു നൽകും. പരിപാടി തൃക്കാക്കര മുനിസിപ്പൽ ചെയർപേഴ്സണ് കെ.കെ. നീനു രാവിലെ 10ന് ഉദ്ഘാടനം ചെയ്യും. ജില്ലാ കളക്ടർ മുഹമ്മദ് സഫിറുള്ള മുഖ്യപ്രഭാഷണം നടത്തും. ഈ വർഷത്തെ ആകാശവാണി ദേശീയ പുരസ്കാരം നേടിയ കൊച്ചി നിലയത്തിലെ ടി.പി. രാജേഷിനെ ആദരിക്കും. തുടർന്നു നടക്കുന്ന പരിശീലന പരിപാടിയിൽ ഡോ. ടി.ആർ. ജോണ്, ഡോ. അശ്വിൻ അജിത്, ലിറ്റോ പാലത്തിങ്കൽ എന്നിവർ ക്ലാസെടുക്കും. ഡോ. സി .ജെ .ജോണ് ചർച്ചകൾ നയിക്കും.
ലോക ആരോഗ്യദിനാചരണം നാളെ
01:30 AM Apr 06, 2017 | Deepika.com