തളിപ്പറമ്പ്: എസ്എസ്എൽസി ചോദ്യപേപ്പർ ചോർച്ചയുടെ ഉത്തരവാദിത്വം ഏറ്റെടുത്ത് വിദ്യാഭ്യാസ മന്ത്രി രാജിവയ്ക്കണമെന്നാവശ്യപ്പെട്ട് തളിപ്പറമ്പ് നിയോജക മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ ധർമ്മശാലയിൽ സായാഹ്ന ധർണ സംഘടിപ്പിക്കുന്നു. ഏഴിന് വൈകുന്നേരം നാലിന് നടക്കുന്ന ധർണ ഡിസിസി പ്രസിഡൻറ് സതീശൻ പാച്ചേനി ഉദ്ഘാടനംചെയ്യും. .
സി.പി.ജോൺ സന്ദർശിച്ചു
തളിപ്പറമ്പ്: അന്തരിച്ച സി എം പി നേതാവ് കെ.സി. നന്ദനന്റെ വീട്ടിൽ സിഎംപി സംസ്ഥാന സെക്രട്ടറി സി.പി.ജോൺ സന്ദർശനം നടത്തി. സി.എ.അജീർ, എ.പി.കെ.രാഘവൻ, എൻ.കുഞ്ഞിക്കണ്ണൻ, എം.മധുസൂതൻ, പി.രാമചന്ദ്രൻ എന്നിവരും അദ്ദേഹത്തോടൊപ്പം ഉണ്ടായിരുന്നു.
ചാരായവുമായി അറസ്റ്റിൽ
ശ്രീകണ്ഠപുരം: വില്പനയ്ക്കായി കൊണ്ടുപോവുകയായിരുന്ന മൂന്നര ലിറ്റർ ചാരായവുമായി ഒരാൾ അറസ്റ്റിൽ. എള്ളരിഞ്ഞിയിലെ ജോസിനെ (62) യാണ് ശ്രീകണ്ഠപുരം എക്സൈസ് അസി.ഇൻസ്പെക്ടർ കെ.ഒ.മോഹനനും സംഘവും അറസ്റ്റ് ചെയ്തത്. രഹസ്യവിവരത്തെത്തുടർന്ന് എളളരിഞ്ഞിയിൽ വെച്ചാണ് പിടികൂടിയത്.
സായാഹ്നധർണ ഏഴിന്
01:11 AM Apr 06, 2017 | Deepika.com