കാരുണ്യഭവനം സന്ദർശിച്ചു
01:11 AM Apr 06, 2017 | Deepika.com
കാർത്തികപുരം: കാർത്തികപുരം സെന്റ് സെബാസ്റ്റ്യൻസ് ദേവാലയ സൺഡേ സ്കൂളിൽ നടന്നുവരുന്ന വിശ്വാസോത്സവത്തിന്റെ ഭാഗമായി കരുണാപുരം കാരുണ്യഭവനും കരുണാപുരം തീർഥാടനദേവാലയവും സന്ദർശിച്ചു. ദേവാലയ വികാരി ഫാ. മാർട്ടിൻ വരിക്കാനിക്കൽ, മുഖ്യാധ്യാപകൻ ഷിജോ പുതുപ്പറന്പിൽ, റോബിൻസ് കട്ടപ്പുഴ, സിബി തോട്ടുപാട്ട്, ബെന്നി നെടുംപതാലിൽ, സിസ്റ്റർ ആൻ ജയിംസ് എന്നിവർ നേതൃത്വം നൽകി. കാരുണ്യഭവനിലെ അന്തേവാസികൾക്കൊപ്പം മതബോധന വിദ്യാർഥികൾ വിവിധ കലാപരിപാടികൾ അവതരിപ്പിച്ചു.