ശ്രീകണ്ഠപുരം: വില്പനയ്ക്കായി കടത്തുകയായിരുന്ന 15 ലിറ്റർ ചാരായവുമായി ഒരാൾ അറസ്റ്റിൽ. കാഞ്ഞിരക്കൊല്ലിയിലെ ചപ്പിലി ലക്ഷ്മണ (38)നെയാണ് ശ്രീകണ്ഠപുരം എക്സൈസ് അസി. ഇൻസ്പെക്ടർ പി.പി. ഗോവിന്ദന്റെ നേതൃത്വത്തിലുള്ള സംഘം അറസ്റ്റു ചെയ്തത്. രഹസ്യവിവരത്തിന്റെ അടിസ്ഥാനത്തിൽ കാഞ്ഞിരക്കൊല്ലി റോഡിൽ വച്ച് ഇന്നലെ ഉച്ചയ്ക്കാണ് ഇയാൾ വലയിലാകുന്നത്.
കന്നാസിലും കുപ്പിയിലുമായി സൂക്ഷിച്ച നിലയിലായിരുന്നു ചാരായം. ഏജന്റ് മുഖേന വില്പന നടത്തുന്നതിനായി ഇരിട്ടിയിലേക്ക് കൊണ്ടുപോകും വഴിയാണ് ഇയാൾ പിടിയിലാകുന്നത്. തളിപ്പറന്പ് കോടതിയിൽ ഹാജരാക്കിയ ലക്ഷ്മണനെ റിമാൻഡ് ചെയ്തു.
ചാരായവുമായി യുവാവ് പിടിയിൽ
01:10 AM Apr 06, 2017 | Deepika.com