കടുത്തുരുത്തി: തീർഥാടന കേന്ദ്രമായ അറുനൂറ്റിമംഗലം സെന്റ് തോമസ് പള്ളിയിൽ (മലകയറ്റ പള്ളി) നാൽപതാം വെള്ളി ആചരണവും കുരിശുമലകയറ്റവും ഇന്നും നാളെയുമായി നടക്കും.
ഇന്ന് രാവിലെ 6.45ന് കൊടിയേറ്റ്. ഏഴിന് വിശുദ്ധ കുരിശിന്റെ തിരുശേഷിപ്പ് പ്രദക്ഷിണമായി മലമുകളിലെത്തിച്ചു പ്രതിഷ്ഠിക്കുന്നതോടെ ഈ വർഷത്തെ നാല്പതാം വെള്ളി തിരുക്കർമങ്ങൾക്കു തുടക്കമാകും. തുടർന്ന് 7.30ന് മലമുകളിലെ കപ്പേളയിൽ വികാരി ഫാ.ജോർജ് മണ്ണുക്കുശുന്പിലിന്റെ കാർമികത്വത്തിൽ ദിവ്യബലി. പത്തിന് കുരിശിന്റെ വഴി, തുടർന്ന് 10.45ന് മലമുകളിൽ ദിവ്യബലി -ഫാ. ജോസഫ് മേച്ചേരിൽ. മൂന്നിന് കുരിശിന്റെ വഴി. വൈകൂന്നേരം 3.45ന് മലമുകളിൽ വിശുദ്ധ കുർബാന-ഫാ. സഖറിയാസ് ആട്ടപ്പാട്ട്. 5.15ന് പള്ളിയിൽ ദിവ്യകാരുണ്യ ആരാധന, തുടർന്ന് 6.15ന് മലമുകളിലേക്കു കുരിശിന്റെ വഴി. ഏഴിന് മലമുകളിൽ മലങ്കര റീത്തിൽ ദിവ്യബലി- ഫാ. ജേക്കബ് കീമാലിൽ. രാത്രി ഒന്പതിന് കുരിശിന്റെ വഴി. 9.30ന് ദിവ്യബലി-ഫാ. ജോണ് പുതുവ.
നാളെ രാവിലെ അഞ്ചിന് മലമുകളിൽ ദിവ്യബലി. ഏഴിന് പള്ളിയിൽ ദിവ്യബലി -ഫാ. ജോർജ് ഞാറക്കുന്നേൽ. 8.30ന് മലമുകളിൽ ദിവ്യബലി- ഫാ. സിറിയക് നിരപ്പിൽ. പത്തിന് പള്ളിയിൽ ദിവ്യബലി -ഫാ. ജോണ് ചൊള്ളാനിക്കൽ. 12ന് മലമുകളിലേക്ക് കുരിശിന്റെ വഴി. ഒന്നിന് മലമുകളിൽ ദിവ്യബലി -ഫാ. തോമസ് തയ്യിൽ. 2.45ന് കുരിശിന്റെ വഴി. 3.30ന് മലമുകളിൽ ദിവ്യബലി -റവ.ഡോ. ജോർജ് വർഗീസ് ഞാറക്കുന്നേൽ. 4.30ന് മുൾമുടി പ്രദക്ഷിണം. 5.15ന് മലമുകളിൽ ആഘോഷമായ സുറിയാനി പാട്ടുകുർബാന -മാർ ജോസഫ് കല്ലറങ്ങാട്ട്. 7.45ന് മലമുകളിൽ ദിവ്യബലി -ഫാ. തോമസ് മഠത്തിപ്പറന്പിൽ. 9.30ന് മലമുകളിൽ ദിവ്യബലി -ഫാ. തോമസ് ബ്രാഹ്മണവേലിൽ. രാത്രി 11ന് തിരുക്കുരിശിന്റെ തിരുശേഷിപ്പ് പ്രദക്ഷിണമായി പള്ളിയിലെത്തിച്ചു പുനഃപ്രതിഷ്ഠിക്കുന്നതോടെ തിരുക്കർമങ്ങൾക്കു സമാപനമാകും.
14ന് പീഡാനുഭവ വെള്ളിയാചരണം നടക്കും. മലകയറ്റം പ്രമാണിച്ച് വിവിധ സ്ഥലങ്ങളിൽനിന്നും പള്ളിയിലേക്കു പ്രത്യേക കഐസ്ആർടിസി സർവീസുകളും ക്രമീകരിച്ചിട്ടുണ്ട്.
നാൽപതാം വെള്ളി ആചരണവും കുരിശുമലകയറ്റവും ഇന്നും നാളെയും
11:41 PM Apr 05, 2017 | Deepika.com