കടപ്ലാമറ്റം: സഹകരണ ബാങ്ക് നിയമനനടപടികൾ അലങ്കോലപ്പെടുത്തുകയും അക്രമം നടത്തുകയും ചെയ്ത യൂത്ത് കോണ്ഗ്രസ് ഭാരവാഹികൾക്കെതിരെ കേസെടുക്കണമെന്ന് കേരള കോണ്ഗ്രസ്-എം മണ്ഡലം കമ്മിറ്റിയോഗം ആവശ്യപ്പെട്ടു.
ഉദ്യോഗാർഥിയും യൂത്ത് കോണ്ഗ്രസ് മണ്ഡലം പ്രസിഡന്റുമായ അഭിലാഷ് ജോസഫാണ് ഉത്തരക്കടലാസ് നശിപ്പിച്ചതെന്ന് യോഗം കുറ്റപ്പെടുത്തി. പരീക്ഷാഹാളിലേക്ക് കുറവിലങ്ങാട്, കടുത്തുരുത്തി, കിടങ്ങൂർ എന്നിവിടങ്ങളിൽ നിന്നുള്ള യൂത്ത് കോണ്ഗ്രസ് പ്രവർത്തകരെത്തുകയും പോലീസ് സംഘത്തെ കൈയ്യേറ്റം ചെയ്യുകയും ചെയ്തതായി യോഗം വ്യക്തമാക്കി. വ്യക്തമായ ഗൂഡാലോചനയാണ് സംഭവത്തിന് പിന്നിലെന്ന് യോഗം ആരോപിച്ചു.
പ്രസിഡന്റ് തോമസ് പുളിക്കിയിൽ അധ്യക്ഷത വഹിച്ചു. ജില്ലാ വൈസ് പ്രസിഡന്റ് തോമസ് ടി. കീപ്പുറം, യൂത്ത് ഫ്രണ്ട് -എം ജില്ലാ സെക്രട്ടറി യൂജിൻ കൂവള്ളൂർ, ബാങ്ക് പ്രസിഡന്റ് ജോയി കുളിരാനി, പഞ്ചായത്ത് പ്രസിഡന്റ് മേരിക്കുട്ടി തോമസ്, അംഗങ്ങളായ സഖറിയാസ് ജോസഫ്,
എം.പി. രാജു എന്നിവർ പ്രസംഗിച്ചു.
യൂത്ത് കോണ്ഗ്രസ് നേതാക്കൾക്കെതിരെ കേസെടുക്കണമെന്ന്
10:08 PM Apr 05, 2017 | Deepika.com