ടാർ മിക്സിംഗ് പ്ലാന്റിനെതിരേ പ്രതിഷേധം
02:02 AM Apr 05, 2017 | Deepika.com
കോലഞ്ചേരി: പൂതൃക്ക പഞ്ചായത്തിലെ പാലക്കാമറ്റത്ത് സ്ഥാപിക്കുന്ന അനധികൃത ടാർ മിക്സിംഗ് പ്ലാന്റിനെതിരേ പ്രതിഷേധം ശക്തമാകുന്നു. ലൈസൻസിന് പഞ്ചായത്ത് അനുമതി നിഷേധിച്ചിട്ടും പോലീസിനെ ഉപയോഗിച്ച് സമരക്കാരെ കുടുക്കാൻ പ്ലാന്റുടമ ശ്രമിക്കുകയാണെന്നാണ് നാട്ടുകാരുടെ ആരോപണം. പ്ലാന്റിന്റെ പ്രവർത്തനം സജീവമാകുന്നതോടെ പാലയ്ക്കാമറ്റം, കിങ്ങിണിമറ്റം, തമ്മാനിമറ്റം പാടശേഖരങ്ങൾ നാശോന്മുഖമാകുന്നതിനു പുറമേ ഇതിനോടു ചേർന്നു കിടക്കുന്ന മൂവാറ്റുപുഴയാർ മലിനമാകുമെന്നും നാട്ടുകാർ ചൂണ്ടിക്കാണിക്കുന്നു.