ഡോ. ബി.ആർ. അംബേദ്കർ 127-ാം ജന്മദിനാഘോഷം കൊടുങ്ങല്ലൂരിൽ
02:02 AM Apr 05, 2017 | Deepika.com
കൊച്ചി: ഡോ. ബി.ആർ. അംബേദ്കറിന്റെ 127-ാം ജന്മദിനാഘോഷം ഈ മാസം 14ന് കൊടുങ്ങല്ലൂരിൽ സംഘടിപ്പിക്കുമെന്ന് ഡോ. ബി.ആർ. അംബേദ്കർ ജന്മദിനാഘോഷ കമ്മിറ്റി ഭാരവാഹികൾ പത്രസമ്മേളനത്തിൽ അറിയിച്ചു. 14ന് രാവിലെ 9.30ന് കൊടുങ്ങല്ലൂർ ടൗണ് ഹാളിൽ ആഘോഷ കമ്മിറ്റി പ്രവർത്തകർ എട്ട് വിളക്കിൽ തിരി തെളിക്കും. ഉച്ച കഴിഞ്ഞ് മൂന്നിന് കാവിൽക്കടവിൽ നിന്നു ടൗണ് ഹാളിലേക്ക് ഘോഷയാത്ര നടത്തും. വൈകുന്നേരം 5.30ന് ടൗണ് ഹാളിൽ നടക്കുന്ന സാംസ്കാരിക സമ്മേളനം കാസർഗോഡ് ആദിവാസി ഊരുമൂപ്പൻ മറുവൻ ഉദ്ഘാടനം ചെയ്യും. ഇ.സി. അശോകൻ അധ്യക്ഷത വഹിക്കും.