തിരുവനന്തപുരം: നവകേരള കർമ പരിപാടിയിലെ ജനകീയാസൂത്രണം രണ്ടാം ഘട്ടത്തിന്റെ ഭാഗമായുള്ള ഗ്രാമസഭാ യോഗത്തിൽ ഇന്ന് മുഖ്യമന്ത്രി പിണറായി വിജയൻ പങ്കെടുക്കും. കരകുളം ഗ്രാമപഞ്ചായത്തിലെ കരയാളത്തുകോണം ലിറ്റിൽ ഫ്ളവർ എൽ പി സ്കൂളിൽ നടക്കുന്ന ഗ്രാമസഭയിലാണ് വൈകിട്ട് മൂന്നിന് മുഖ്യമന്ത്രി വിശിഷ്ടാതിഥിയായി സംബന്ധിക്കുന്നത്.
ഗ്രാമപഞ്ചായത്ത് പ്രസിഡന്റ് എം.എസ്. അനില അധ്യക്ഷത വഹിക്കും. സി. ദിവാകരൻ എംഎൽഎ, ജില്ലാ പഞ്ചായത്ത് പ്രസിഡന്റ് വി.കെ. മധു, ബ്ലോക്ക് പഞ്ചായത്ത് പ്രസിഡൻറ് ബി.ബിജു, മറ്റ് ജനപ്രതിനിധികൾ തുടങ്ങിയവർ പങ്കെടുക്കും. കരയാളത്തുകോണം വാർഡ് അംഗം യു.ലേഖാറാണി സ്വാഗതം പറയും.
ദേശിക പദ്ധതികളുടേയും ഹരിതകേരളം, ആർദ്രം, പൊതു വിദ്യാഭ്യാസ സംരക്ഷണ യജ്ഞം, സന്പൂർണ പാർപ്പിട പദ്ധതി എന്നീ വികസനദൗത്യങ്ങളുടെ ഭാഗമായി ഏറ്റെടുക്കേണ്ട വികസന പരിപാടികളുടെയും മുൻഗണന നിശ്ചയിക്കാനാണ് ഗ്രാമസഭകൾ. ഏപ്രിൽ രണ്ട ു മുതൽ ഒൻപതുവരെ സംസ്ഥാനത്തുടനീളം പ്രത്യേക ഗ്രാമസഭകൾ നടക്കുന്നുണ്ട ്.
ജനകീയാസൂത്രണം: മുഖ്യമന്ത്രി ഇന്ന് ഗ്രാമസഭയിൽ പങ്കെടുക്കും
01:28 AM Apr 05, 2017 | Deepika.com