മാനന്തവാടി: ഇൻഷ്വറൻസ് പ്രീമീയം വർധിപ്പിച്ചതിൽ പ്രതിക്ഷേധിച്ച് ലോറികളും ടാങ്കർ ലോറികളും നടത്തുന്ന സമരം തുടരുന്നു. മാർച്ച് 31 മുതലാണ് ഇന്ത്യൻ കോണ്ഫെഡറേഷൻ ഓഫ് ഗുഡ്സ് വെഹിക്കിൾ ഓണേഴ്സ് അസോസിയേഷന്റെ നേതൃത്വത്തിൽ അനിശ്ചിതകാല സമരം ആരംഭിച്ചത്.
സമരം അഞ്ചു ദിവസം പിന്നിട്ട സാഹചര്യത്തിൽ ഇന്നലെ ഹൈദരാബാദിൽ വിവിധ സംഘടനകൾ നടത്തിയ ചർച്ച പരാജയപ്പെട്ടു. ഇതോടെയാണ് ഇതര സംസ്ഥാനങ്ങളിൽ നിന്നും ചരക്കുമായി വരുന്ന വാഹനങ്ങൾ തടയാൻ തുടങ്ങിയത്. മാനന്തവാടി താഴെയങ്ങാടിയിൽ നിരവധി ലോറികളാണ് തടഞ്ഞിട്ടിരിക്കുന്നത്.
അതേസമയം തമിഴ്നാട്ടിൽ ലോറി ഉടമകൾ സമരം പിൻവലിച്ചതിനാൽ നിരവധി ലോറികളാണ് നിത്യേന വയനാട്ടിലേക്ക് എത്തുന്നത്.
ലോറി സമരം തുടരുന്നു; മറ്റു സംസ്ഥാനങ്ങളിൽ നിന്നുള്ള ലോറികൾ തടഞ്ഞു
12:18 AM Apr 05, 2017 | Deepika.com