അയർക്കുന്നം: അയർക്കുന്നം പഞ്ചായത്ത് ദാഹിച്ചു വലയുന്നു. പഞ്ചായത്തിലെ മിക്ക പ്രദേശങ്ങളിലും കുടിവെള്ളക്ഷാമം രൂക്ഷമാണ്.
പന്നഗംതോടും പൊയ്കതോടും ചെറിയ ജലാശയങ്ങളും ചെറുകിട ജലവിതരണ പദ്ധതികൾ കൊണ്ടും ജലസമൃദ്ധമാക്കിയ നാട്ടിൽ ജലം തേടി അലയേണ്ട അവസ്ഥയാണ്. പഞ്ചായത്തിന്റെ നേതൃത്വത്തിൽ വെള്ളം വിതരണം ചെയ്യുന്നുണ്ടെങ്കിലും ആവശ്യത്തിന് ജലം കിട്ടുന്നില്ലെന്ന് പരാതിയുണ്ട്.
ടാപ്പുഴ, ജല വിതരണ പദ്ധതിയിലൂടെയും ഉയർന്ന പ്രദേശങ്ങളിൽ ആവശ്യത്തിന് വെള്ളം ലഭിക്കുന്നില്ല. മിക്ക വാർഡുകളിലും സ്വകാര്യ ഏജൻസികൾ ടാങ്കിൽ എത്തിക്കുന്ന വെള്ളമാണ് ഉപയോഗിക്കുന്നത്.
ടാപ്പുഴ ജല വിതരണ പദ്ധതിയിൽ നിന്ന് പുതിയ വാട്ടർ കണക്ഷൻ നൽകുന്നത് നിർത്തിവച്ചിരിക്കുന്നതും പഞ്ചായത്തിലെ ജനങ്ങൾക്ക് തിരിച്ചടിയായിട്ടുണ്ട്. മിക്ക ഗ്രാമീണ ജല വിതരണ പദ്ധതി വഴി 15-20 ദിവസം കുടുന്പോഴാണ് ജലം ലഭിക്കുന്നതെന്നും പ്രദേശവാസികൾ പറഞ്ഞു.
ദാഹിച്ചു വലഞ്ഞ് അയർക്കുന്നം
11:38 PM Apr 03, 2017 | Deepika.com