ചങ്ങനാശേരി: അപകടങ്ങൾ പെരുകുന്നു. റോഡുകൾ രക്തക്കളം. ഇന്നലെ ഉച്ചയ്ക്ക് എസ്ബി സ്കൂളിനു സമീപം സ്വകാര്യബസും സ്കൂട്ടറും കൂട്ടിയിടിച്ച് തൃക്കൊടിത്താനം സ്വദേശി ശ്രീജിത് (29) അതിദാരുണമായി കൊല്ലപ്പെട്ടു. ബസിന്റെ ചക്രം ഇയാളുടെ കാലിലൂടെ കയറിയിറങ്ങിയാണ് മരണം സംഭവിച്ചത്. എസ്ബി ഹയർസെക്കൻഡറി സ്കൂളിനു സമീപമാണ് അപകടം സംഭവിച്ചത്.
വാഹനങ്ങളുടെ അമിതവേഗവും ശ്രദ്ധക്കുറവുമാണ് അപകടങ്ങൾ പെരുകാൻ കാരണമെന്നാണ് പോലീസും മോട്ടോർ വാഹനവകുപ്പും ചൂണ്ടിക്കാട്ടുന്നത്. റോഡിലെ സുരക്ഷയുടെ കുറവും അപകടക്കെണിയാകുന്നുണ്ട്. പൈപ്പ് സ്ഥാപിക്കുന്നതിനായി കുഴിച്ചിടത്തെ മണ്കൂനയും ഇവിടുത്തെ തട്ടുകടകളും അനധികൃത പാർക്കിംഗും അപകട കെണിയാണെന്ന് ചൂണ്ടിക്കാണിക്കപ്പെടുന്നു.
അപകടങ്ങൾ പെരുകുന്നു റോഡുകൾ രക്തക്കളം
11:35 PM Apr 03, 2017 | Deepika.com