തുടർവിദ്യാഭ്യാസ സർവെ
10:57 PM Mar 30, 2017 | Deepika.com
കോലാനി: സംസ്ഥാന സാക്ഷരതാ മിഷൻ അഥോറിറ്റി ട്രാൻസ്ജെൻഡർമാർക്കായി നടത്തുന്ന തുടർവിദ്യാഭ്യാസ പരിപാടിയുടെ ഭാഗമായി ഗുണഭോക്താക്കളെ കണ്ടുപിടിക്കുന്നതിനുള്ള സർവേയുടെ ജില്ലാതല ഉദ്ഘാടനം നടത്തി. തൊടുപുഴ ബ്ലോക്ക് പഞ്ചായത്തു ഹാളിൽ പ്രസിഡന്റ് ജിമ്മി പോളിന്റെ അധ്യക്ഷതയിൽ ചേർന്ന യോഗത്തിൽ ജില്ലാ പഞ്ചായത്ത് വൈസ് പ്രസിഡന്റ് മാത്യു ജോൺ ഉദ്ഘാടനം ചെയ്തു. ബ്ലോക്ക് വൈസ് പ്രസിഡന്റ് പ്രിൻസി സോയി, ജില്ല സാക്ഷരത മിഷൻ കോ-ഓർഡിനേറ്റർ ദീപ ജയിംസ്, സ്റ്റാൻഡിംഗ് കമ്മിറ്റി ചെയർമാൻമാരായ സിനോജ് ജോസ്, സതീഷ് കേശവൻ, ബ്ലോക്ക് മെംബർമാരായ ഷൈനി ഷാജി, വിനീത അനിൽകുമാർ, അന്നമ്മ ചെറിയാൻ, ബിഡിഒ കെ. ജയ്മോൻ, നോഡൽ പ്രേരക്മാരായ ഡയസ് ജോസഫ്, പി.എൻ. നാസർ, ജാസ്മിൻ, ഷെറിൻ, സൂര്യ, ജോമോൾ എന്നിവർ പ്രസംഗിച്ചു.