ജൂബിലി ആഘോഷിച്ചു
10:57 PM Mar 30, 2017 | Deepika.com
തൊടുപുഴ: പെരുന്പിള്ളിച്ചിറ പഞ്ചായത്ത് എൽപി സ്കൂൾ സുവർണ ജൂബിലി സമാപിച്ചു. പൂർവാധ്യാപക - വിദ്യാർഥി സംഗമം മന്ത്രി എം.എം. മണി ഉദ്ഘാടനം ചെയ്തു. പൂർവവിദ്യാർഥി സംഘടന പ്രസിഡന്റ് ലഫ്. പ്രജീഷ് സി. മാത്യു അധ്യക്ഷത വഹിച്ചു. സമ്മേളനത്തിൽ പൂർവാധ്യാപക വിദ്യാർഥികളെ ആദരിച്ചു. കുട്ടികളുടെ കലാവിരുന്ന് റിയാലിറ്റിഷോ താരം ഇപ്പു ഉദ്ഘാടനം ചെയ്തു.കെ. ഫ്രാൻസിസ് ജോർജ് ജൂബിലി സന്ദേശം നൽകി. ജൂബിലി സമ്മേളനം പി.ജെ. ജോസഫ് എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് നിസാർ പഴേരി അധ്യക്ഷത വഹിച്ചു. സ്കൂൾ ഹെഡ്മിസ്ട്രസ് ജെസി കെ. ജോർജ് ജൂബിലി റിപ്പോർട്ട് അവതരിപ്പിച്ചു. ജൂബിലി പത്രം ജില്ലാ പഞ്ചായത്ത് മെംബർ മനോജ് തങ്കപ്പനും കൈയെഴുത്തുമാസിക വാർഡ് മെംബർ ബീമ അനസും പ്രകാശനം ചെയ്തു. എം.എം മാത്യു സ്വാഗതവും പി.എം. അലി നന്ദിയും പറഞ്ഞു.