പന്നിമറ്റം: വെള്ളിയാമറ്റം പഞ്ചായത്തിൽ 13,42,45,116 രൂപയുടെ വരവും 11,97,83,500 രൂപയുടെ ചെലവും 1,44,61,616 രൂപ മിച്ചവും പ്രതീക്ഷിക്കുന്ന ബജറ്റ് അവതരിപ്പിച്ചു. കാർഷിക മേഖലക്ക് 21 ലക്ഷം രൂപയാണ് വകയിരുത്തിയിട്ടുണ്ട്. മൃഗസംരക്ഷണം, ക്ഷീരവികസനം, മത്സ്യകൃഷി വികസനത്തിന് 20 ലക്ഷം രൂപയും ഉൽപാദനമേഖലയിൽ 55 ലക്ഷം രൂപയും വകയിരുത്തിയിട്ടുണ്ട്. എസ്സി, എസ്ടി പഠന നിലവാരമുയർത്തുന്നതിനു 28 ലക്ഷം രൂപയും നീക്കി വച്ചിട്ടുണ്ട്. ആരോഗ്യരംഗത്തിന് 38.5 ലക്ഷം ഉൾപ്പെടുത്തിയിട്ടുണ്ട്.
സർക്കാർ വിഭാവനം ചെയ്തിട്ടുള്ള ലൈഫ് പദ്ധതിയുമായി ഭവന നിർമാണം, സാമൂഹ്യസുരക്ഷ, ഭവന വായ്പ പദ്ധതി ഉൾപ്പെടെ 42.5 ലക്ഷം രൂപയും വൈദ്യുതി ഊർജ സംരക്ഷണ മേഖലയ്ക്കായി 10 ലക്ഷം രൂപയും വകയിരുത്തിയിട്ടുണ്ട്.
ആംഗൻവാടി പോഷകാഹാരത്തിന് 23 ലക്ഷവും സേവന മേഖലകൾക്കായി 37285000 രൂപയും വകയിരുത്തിയിട്ടുണ്ട്.
റോഡ്, കെട്ടിടം, കലുങ്ക്, പാലം, കുടിവെള്ള സ്രോതസ് നിർമിതി ഉൾപ്പെടെയുള്ള മൂലധന ആസ്തി സൃഷ്ടിക്കുന്നതിന് 11504400 രൂപയും ഉൾപ്പെടുത്തിയിട്ടുണ്ട്. പഞ്ചായത്ത് പ്രസിഡന്റ് ഷീബ രാജശേഖരന്റെ അധ്യക്ഷതയിൽ വൈസ് പ്രസിഡന്റ് വി.ജി. മോഹനൻ ബജറ്റ് അവതരിപ്പിച്ചു.
വെള്ളിയാമറ്റം പഞ്ചായത്ത് ബജറ്റ്
10:55 PM Mar 30, 2017 | Deepika.com