തൊടുപുഴ: എസ്എസ്എല്‍സി പരീക്ഷയുടെ വിശ്വാസ്യത തകര്‍ക്കുകയും ഹയര്‍ സെക്കൻഡറി പരീക്ഷ അട്ടിമറിക്കുകയും ചെയ്ത വിദ്യാഭ്യാസമന്ത്രി രാജി വയ്ക്കണമെന്നാവശ്യപ്പെട്ടു കെഎസ്‌യു ഡിഡിഇ ഓഫീസിലേക്ക് നടത്തിയ മാര്‍ച്ചില്‍ പ്രതിഷേധമിരമ്പി. സമരക്കാര്‍ പോലീസ് ബാരിക്കേഡ് മറിച്ചിടാന്‍ ശ്രമിക്കുകയും അതിനുമുകളില്‍ കയറാനും ശ്രമിച്ചപ്പോള്‍ സംഘര്‍ഷത്തിനു കാരണമായി. മുതിര്‍ന്ന പ്രവര്‍ത്തകരുടെ ഇടപെടല്‍മൂലമാണ് പ്രവര്‍ത്തകര്‍ പിന്‍തിരിഞ്ഞത്. ധര്‍ണ മുന്‍ ഡിസിസി പ്രസിഡന്റ് റോയി കെ പൗലോസ് ഉദ്ഘാടനം ചെയ്തു. ജില്ല പ്രസിഡന്റ് ടോണി തോമസ് അധ്യക്ഷത വഹിച്ചു.
ജോണ്‍ നെടിയപാല, ജിയോമാത്യു, എന്‍.ഐ. ബെന്നി, ചാര്‍ളി ആന്‍റണി, ടി.ജെ. പീറ്റര്‍, നിയാസ് കൂരാപ്പിള്ളി, നിതിന്‍ ലൂക്കോസ്,ജെസണ്‍ ആന്‍റണി തുടങ്ങിയവര്‍ പ്രസംഗിച്ചു.
കെഎസ്‌യു മാര്‍ച്ചില്‍ പ്രതിഷേധമിരമ്പി
10:55 PM Mar 30, 2017 | Deepika.com