ഉദ്യാനക്കളരി കോഴ്സുകൾ ഏപ്രിൽ മൂന്നു മുതൽ
01:01 AM Mar 30, 2017 | Deepika.com
കൊച്ചി: എറണാകുളം ജില്ലാ സഹകരണ ബാങ്കിന്റെ കീഴിൽ കാക്കനാടുള്ള ഇഎംഎസ് സഹകരണ ലൈബ്രറിയുടെ ആഭിമുഖ്യത്തിൽ കുട്ടികൾക്കും വീട്ടമ്മമാർക്കുമായി നടത്തുന്ന ഉദ്യാനക്കളരി കോഴ്സുകൾ ഏപ്രിൽ മൂന്നിന് ആരംഭിക്കും. ചിത്രരചന, ചെസ് എന്നിവയിൽ പ്രാരംഭ കോഴ്സുകളും, അടിസ്ഥാന പഠനം പൂർത്തിയാക്കിയവർക്കുളള അഡ്വാൻസ് കോഴ്സുകളുമുണ്ട്. കാർട്ടൂണ് ആനിമേഷൻ, ക്ലേ മോഡലിംഗ് എന്നിവയിൽ ഹ്രസ്വദിന കോഴ്സുകളും വീട്ടമ്മമാർക്കായി ലിക്വിഡ് എംബ്രോയ്ഡറി, വീട് അലങ്കാരത്തിനുളള ഡോളി ക്രാഫ്റ്റ്വർക്ക് എന്നിവയിൽ പരിശീലനവും നൽകും. പ്രമുഖ അധ്യാപകർ നയിക്കുന്ന ക്ലാസുകൾ ഏപ്രിൽ മേയ് മാസങ്ങളിൽ രണ്ട് ബാച്ചുകളിലായി നടക്കും. പ്രവേശനത്തിനും വിശദവിവരങ്ങൾക്കും ഫോണ്: 9847423902, 9447580024.