മേപ്പാടി: ഒക്ടോബർ 27 മുതൽ ലോക്കൗട്ടിലുള്ള ചെന്പ്ര എസ്റ്റേറ്റ് സർക്കാർ ഏറ്റെടുത്ത് തൊഴിലാളികൾക്ക് ജോലി ഉറപ്പാക്കണമെന്ന് ആവശ്യപ്പെട്ട് വയനാട് തോട്ടം തൊഴിലാളി യൂണിയന്റെ (എ ഐടിയുസി) നേതൃത്വത്തിൽ മേപ്പാടി ടൗണിൽ 36 മണിക്കൂർ രാപകൽ സമരം തുടങ്ങി.
എഐടി യുസി സംസ്ഥാന ജനറൽ സെക്രട്ടറി കെ.പി. രാജേന്ദ്രൻ ഉദ്ഘാടനം ചെയ്തു. ചെന്പ്ര അടക്കം സംസ്ഥാനത്ത് നിയമവിരുദ്ധമായി പൂട്ടിയിട്ടുള്ള 14 തോട്ടങ്ങൾ സർക്കാർ ഏറ്റെടുത്ത് തൊഴിലാളികൾക്ക് ജോലിയും കൂലിയും ഉറപ്പാക്കണമെന്ന് അദ്ദേഹം ആവശ്യപ്പെട്ടു. കേരള ഭൂപരിഷ്കരണ നിയമത്തിൽ ഭൂപരിധി ഇളവ് നേടിയ തൊട്ടങ്ങൾ ഇത്തരത്തിൽ പൂട്ടിയിടുന്നത് നിയമവിരുദ്ധമാണെന്ന് അദ്ദേഹം പറഞ്ഞു. എ. ബാലചന്ദ്രൻ അധ്യക്ഷത വഹിച്ചു. യൂണിയൻ ജനറൽ സെക്രട്ടറി പി.കെ. മൂർത്തി, എസ്.ജി. സുകുമാരൻ, സി.എസ്. സ്റ്റാൻലിൻ, മഹിതാമൂർത്തി, വി. യൂസഫ്, എ. എം. ജോയി, പി.എൻ. പ്രേമലത എന്നിവർ പ്രസംഗിച്ചു.
ചെന്പ്ര എസ്റ്റേറ്റ്: എഐടിയുസി രാപകൽ സമരം തുടങ്ങി
12:22 AM Mar 30, 2017 | Deepika.com