ബൈക്ക് യാത്രികൻ ലോറിയിടിച്ച് മരിച്ചു
10:52 PM Mar 29, 2017 | Deepika.com
പറവൂർ: ബൈക്കും ലോറിയും കൂട്ടിയിടിച്ചു ബൈക്ക് യാത്രികനായ യുവാവ് മരിച്ചു. ഇളന്തിക്കര മാടശേരി രജനീഷ് (35) ആണ് മരിച്ചത്. ഇന്നലെ രാവിലെ ഏഴരയോടെ പട്ടം-മാഞ്ഞാലി റോഡിലായിരുന്നു അപകടം. മരപ്പണിക്കാരനായ രജനീഷ് ഇളന്തിക്കരയിൽ നിന്നു മാഞ്ഞാലിക്കു ബൈക്കിൽ പോകവെ ചെറുകടപ്പുറം പാലത്തിനു സമീപമുള്ള വളവിൽ വച്ച് എതിരേ വന്ന ലോറി ഇടിക്കുകയായിരുന്നു. ഗുരുതരമായി പരിക്കേറ്റ രജനീഷിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. . സംസ്കാരം നടത്തി. ഭാര്യ: സരസ്വതി.