കട്ടപ്പന: ഗവ.കോളജിന് 2.55 കോടി രൂപ ഉപയോഗിച്ച് നിര്മിക്കുന്ന ആധുനിക സൗകര്യങ്ങളോടു കൂടിയ ലൈബ്രറി കെട്ടിടം പൂര്ത്തിയാകുന്നു. അടുത്ത അധ്യയന വര്ഷത്തോടെ ലൈബ്രറി വിദ്യാര്ഥികള്ക്ക് ഉപയോഗപ്രദമാകും. വിദ്യാര്ഥികള് പാഠ്യ-പാഠ്യേതര പ്രവര്ത്തനങ്ങള്ക്കും അധ്യാപകര്ക്ക് റഫറന്സ് ആവശ്യങ്ങള്ക്കും ഉപയുക്തമാകുന്ന രീതിയില് റഫറന്സ് വിഭാഗവും കോണ്ഫറന്സ് ഹാളും ഉള്പ്പെടെയാണ് ലൈബ്രറി ക്രമീകരിച്ചിട്ടുള്ളത്.
റോഷി അഗസ്റ്റിന് എംഎല്എയുടെ പരിശ്രമ ഫലമായി 2014 ല് തുക അനുവദിക്കുകയും 2015 സെപ്റ്റംബര് ഒന്പതിന് നിര്മാണം ആരംഭിക്കുകയും ചെയ്തു. ഇതോടൊപ്പം ആണ്കുട്ടികള്ക്കും പെണ്കുട്ടികള്ക്കുമായുള്ള ഹോസ്റ്റലുകളും അഞ്ചു കോടി രൂപ ചെലവഴിച്ച് നിര്മിക്കുന്ന സയന്സ് ബ്ലോക്കിന്റെ നിര്മാണവും പൂര്ത്തിയായിട്ടുണ്ട്. ദൂരപ്രദേശങ്ങളില് നിന്ന് വിദ്യാര്ഥികള്ക്ക് എത്തിച്ചേരുന്നതിനായി കഴിഞ്ഞ വര്ഷം ഒരു കോളജ് ബസ് അനുവദിച്ചിരുന്നു.
കൂടുതല് യാത്രാസൗകര്യം ഒരുക്കുന്നതിനായി ഒരു ബസ് കൂടി അനുവദിക്കുമെന്ന് എംഎല്എ പറഞ്ഞു. നാക് അക്രഡിറ്റേഷനോടു കൂടി മികച്ച നിലവാരത്തില് പ്രവര്ത്തിക്കുന്നതും നിരവധി ബിരുദ-ബിരുദാനന്തര കോഴ്സുകളും മികച്ച റിസല്ട്ടും നേടി കട്ടപ്പന കോളജ് സംസ്ഥാനത്തെ തന്നെ മികച്ച കോളജുകളുടെ നിരയിലേക്ക് ഉയര്ന്നിരിക്കയാണെന്നും എംഎല്എ പറഞ്ഞു.
കോളജിലെ അധ്യാപക-രക്ഷകര്ത്തൃ സംഗമം ഉദ്ഘാടനം ചെയ്യുകയായിരുന്നു അദ്ദേഹം. യോഗത്തിനു ശേഷം കോളജ് കോമ്പൗണ്ടില് നടക്കുന്ന നിര്മാണ പ്രവര്ത്തനങ്ങളുടെ പുരോഗതി എംഎല്എയും പിടിഎ കമ്മിറ്റി അംഗങ്ങളും ചേര്ന്ന് വിലയിരുത്തി.
കട്ടപ്പന ഗവ. കോളജിന് ഹൈടെക് ലൈബ്രറി പൂര്ത്തിയാകുന്നു
09:54 PM Mar 29, 2017 | Deepika.com