മുണ്ടക്കയം: മുണ്ടക്കയം ഗ്രാമപഞ്ചായത്തില് സമ്പൂര്ണ പ്ലാസ്റ്റിക് നിരോദനം നടപ്പിലാക്കുന്നു ഇതിന്റെ നടപടിക്രമങ്ങള് അവസാന ഘട്ടത്തിലായതായി പഞ്ചായത്ത് പ്രസിഡന്റ് കെ.എസ്. രാജു അറിയിച്ചു. പ്ലാസ്റ്റിക് കാരിബാഗിന് പകരമായി തുണി സഞ്ചികള് പ്രചാരത്തിലാക്കുന്നതിനാണ് പഞ്ചായത്ത് തീരുമാനിച്ചിരിക്കുന്നത്.
ഇതിനായി തിരഞ്ഞെടുക്കപ്പെട്ട കുടുംബശ്രീ യൂണിറ്റുകള് ദിവസങ്ങള്ക്കുള്ളില് തന്നെ പ്രവര്ത്തനം തുടങ്ങും. തുണി സഞ്ചി ഉത്പാദിപ്പിക്കുന്നതിനു വേണ്ടി പത്ത് അംഗങ്ങള് വീതമുള്ള രണ്ട് ഗ്രൂപ്പുകളാണ് ഇപ്പോള് രൂപീകരിച്ചിരിക്കുന്നത്. തുടര്പ്രവര്ത്തനമായി കൂടുതല് ഗ്രൂപ്പുകള് രൂപീകരിക്കും. പ്രൊജക്റ്റ് തുകയുടെ അമ്പത് ശതമാനം യൂണിറ്റുകള്ക്ക് ഗ്രാമപഞ്ചായത്ത് സബ്സിഡി നല്കും. ഉടന് തന്നെ വ്യാപാരികളുള്പ്പെടെ ബന്ധപ്പെട്ടവരുടെ യോഗം വിളിച്ച് സമ്പൂര്ണ പ്ലാസ്റ്റിക് നിരോധനം പ്രഖ്യാപിക്കുന്നതിനാണ് ഗ്രാമപഞ്ചായത്ത് തീരുമാനിച്ചിരിക്കുന്നത്.
പ്ലാസ്റ്റിക് നിരോധനത്തിനൊരുങ്ങി മുണ്ടക്കയം ഗപഞ്ചായത്ത്
09:42 PM Mar 29, 2017 | Deepika.com