പൊന്‍കുന്നം: പുതിയകാവില്‍ മീനഭരണി മഹോത്സവത്തിനും പൊങ്കാലയ്ക്കുമുള്ള ഒരുക്കങ്ങള്‍ പൂര്‍ത്തിയായി. ഇന്ന് രാവിലെ 8.50ന് തന്ത്രി കുരുപ്പക്കാട്ട് നാരായണന്‍ നമ്പൂതിരിയുടെ മുഖ്യ കാര്‍മികത്വത്തില്‍ ഭണ്ഡാര അടുപ്പില്‍ നിന്ന് പൊങ്കാല അടുപ്പുകളിലേക്ക് അഗ്നി പകരും. പൊങ്കാലയ്ക്ക് ആവശ്യമായ കലവും മറ്റ് സുഗന്ധദ്രവ്യങ്ങളും ദേവസ്വത്തില്‍ നിന്നു ലഭിക്കും. ക്ഷേത്രത്തിനു വടക്കും തെക്കും വശങ്ങളില്‍ വിപുലമായ പാര്‍ക്കിംഗ് സൗകര്യങ്ങള്‍ ഒരുക്കിയിട്ടുണ്ട്. ഭക്തര്‍ക്കു വേണ്ട കുടിവെള്ളം, അന്നദാനം എന്നിവ വിതരണം ചെയ്യുന്നതിനുള്ള ഒരുക്കങ്ങളും പൂര്‍ത്തിയായി. ക്ഷേത്രാങ്കണവും പരിസരപ്രദേശങ്ങളും പൊങ്കാല ഒരുക്കങ്ങളുടെ ഭാഗമായി കഴിഞ്ഞ ദിവസം ശുചീകരിച്ചു.
എന്‍എസ്എസ് യൂണിയന്‍ പ്രസിഡന്‍റ് എം.എസ്. മോഹന്‍, യൂണിയന്‍ സെക്രട്ടറി പി.ജി. ജയചന്ദ്രകുമാർ, ദേവസ്വം പ്രസിഡന്‍റ് ആർ. സുകുമാരന്‍ നായര്‍, സെക്രട്ടറി കെ.എസ്. ജയകൃഷ്ണന്‍ നായർ, പൊങ്കാല കമ്മിറ്റി കണ്‍വീനര്‍, എം.ബി. ബേബി, എന്‍എസ്എസ് വനിതാസമാജം ഭാരവാഹികള്‍, വിവിധ ഹൈന്ദവ സംഘടനാ ഭാരവാഹികള്‍ എന്നിവര്‍ മുന്നൊരുക്കങ്ങള്‍ക്ക് നേതൃത്വം നല്‍കി.പത്രസമ്മേളനത്തില്‍ കണ്‍വീനര്‍ എം.ബി. ബേബി മുളയന്നൂര്‍, ബിജു മൂലമ്പുഴ, എന്‍എസ്എസ് വനിതാസമാജം പ്രസിഡന്‍റ് പുഷ്പലത, സെക്രട്ടറി ആശാ ഉണ്ണി എന്നിവര്‍ പങ്കെടുത്തു
പുതിയകാവില്‍ പൊങ്കാല
09:42 PM Mar 29, 2017 | Deepika.com