പോസ്റ്റ് ഓഫീസിലേക്ക് മാർച്ചും ധർണയും നടത്തി
01:34 AM Mar 29, 2017 | Deepika.com
നെടുമങ്ങാട് : റേഷൻ നിഷേധിച്ചതിനെതിരെ ശക്തമായ പ്രക്ഷോഭം തുടരുമെന്ന് എഐടിയുസി ജില്ലാ ജോയിന്റ് സെക്രട്ടറി മീനാങ്കൽകുമാർ. നെടുമങ്ങാട് പോസ്റ്റ് ഓഫീസിലേക്ക് നടത്തിയ മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിന്റെ റേഷൻവിഹിതം വെട്ടിക്കുറച്ച കേന്ദ്രസർക്കാർ നയം രാഷ്ട്രീയ പക പോക്കലാണ്. റേഷൻവിഹിതം വെട്ടിക്കുറച്ച കേന്ദ്ര സർക്കാർ നയത്തിനെതിരെ താലൂക്ക് കേന്ദ്രങ്ങളിൽ സംഘടിപ്പിച്ച ധർണയുടെ ഭാഗമായി നെടുമങ്ങാട് പോസ്റ്റ് ഓഫീസിനു മുന്നിൽ നടന്ന മാർച്ചിലും ധർണയിലും പി.എസ് ഷെരീഫ് അധ്യക്ഷത വഹിച്ചു.എഐടിയുസി നേതാക്കളായ എം.എസ്.റഷീദ്, ഡി.പുഷ്ക്കരനന്ദൻ, പി.എസ്.നായിഡു, എം.സി.കെ നായർ, വി.ബി.ജയകുമാർ, പി.എസ്.ഷൗക്കത്തു, ഡി.അരവിന്ദാക്ഷൻ, ജെ.സുധീർ തുടങ്ങിയവർ പ്രസംഗിച്ചു.