അങ്കമാലി: ഫിസാറ്റ് എൻഎസ്എസ് ടെക്നിക്കൽ സെല്ലിന്‍റെ നേതൃത്വത്തിലുള്ള സപ്തദിന ക്യാന്പിന് കറുകുറ്റി പഞ്ചായത്തിൽ തുടക്കമായി. പഞ്ചായത്ത് പ്രസിഡന്‍റ് ഷാജു വി. തെക്കേക്കര ക്യാന്പ് ഉദ്ഘാടനം ചെയ്തു. ഫിസാറ്റ് ചെയർമാൻ പോൾ മുണ്ടാടൻ അധ്യക്ഷത വഹിച്ചു.
പഞ്ചായത്ത് വൈസ് പ്രസിഡന്‍റ് ഷൈനി ജോർജ്, ഫിസാറ്റ് ട്രഷറർ പി.ഐ. ബോസ്, പ്രിൻസിപ്പൽ ഡോ. ജോർജ് ഐസക്, ഡയറക്ടർ ഡോ. കെ.എസ്.എം. പണിക്കർ, എൻഎസ്എസ് പ്രോഗ്രാം ഓഫീസർമാരായ ജിബി വർഗീസ്, ടോം ആന്‍റോ, പിടിഎ പ്രസിഡന്‍റ് ജോസ് ചക്യത്ത്, എൻഎസ്എസ് വോളണ്ടിയർ സെക്രട്ടറി റിയ മേരി തോമസ്, ശ്യാം ജി. പുളിക്കൻ എന്നിവർ പ്രസംഗിച്ചു.
ഏഴു ദിവസം നീണ്ടുനിൽക്കുന്ന ക്യാന്പിൽ കറുകുറ്റി, മൂക്കന്നൂർ പഞ്ചായത്തുകളിലെ സേവനപ്രവർത്തനങ്ങളും ഏഴാറ്റുമുഖം പ്രകൃതി ഗ്രാമത്തിന്‍റെ ശുചീകരണം, വിവിധ വ്യക്തിത്വ വികസന പ്രോഗ്രാമുകൾ എന്നിവയും ഉൾപ്പെടുത്തിയിട്ടുണ്ട്.
ഫിസാറ്റ് എൻഎസ്എസ് യൂണിറ്റിന്‍റെ സപ്തദിന ക്യാന്പിനു തുടക്കം
01:19 AM Mar 29, 2017 | Deepika.com