കൽപ്പറ്റ: ജില്ലാ പഞ്ചായത്തിന്റെ ബജറ്റിൽ ആരോഗ്യമേഖലയ്ക്ക് പ്രത്യേക പരിഗണന. മാനന്തവാടിയിലെ ജില്ലാ ആശുപത്രിയെ ആർദ്രം ദൗത്യത്തിന്റെ പിന്തുണയോടെ നാല് വർഷത്തിനകം ഐഎസ്ഒ നിലവാരത്തിലേക്ക് ഉയർത്തുന്നതിനുള്ള പരിപാടികളാണ് ബജറ്റിൽ ഉൾപ്പെടുത്തിയിരിക്കുന്നത്.
മാമോഗ്രഫി യൂണിറ്റിന്1.5 കോടി രൂപയും തീവ്രപരിചരണ വിഭാഗം നവീകരണത്തിന് 25 ലക്ഷം രൂപയും അത്യാഹിത വിഭാഗം ആധുനികവത്കരണത്തിന് 20 ലക്ഷം രൂപയും നീക്കിവച്ചിട്ടുണ്ട്.
വാർഡുകളുടെ കംപ്യൂട്ടറൈസേഷന് 24 ലക്ഷം, ഡയാലിസിസ് യൂണിറ്റിൽ അധിക ഷിഫ്റ്റിന് 12 ലക്ഷം, സർജിക്കൽ ഉപകരണങ്ങൾക്ക് 18 ലക്ഷം, ബയോഗ്യാസ് പ്ലാന്റിന് 15 ലക്ഷം എന്നിങ്ങനെ വകയിരുത്തിയിട്ടുണ്ട്.
പനമരം സാമൂഹികാരോഗ്യകേന്ദ്രത്തിൽ ജില്ലാ ആശുപത്രിക്ക് കീഴിൽ ഡയാലിസിസ് സബ്സെന്ററിന് 18 ലക്ഷം രൂപ, അരിവാൾ രോഗികൾക്ക് പോഷകാഹാരം നൽകാൻ 10 ലക്ഷം, ജില്ലാ ആയുർവേദ ആശുപത്രിയുടെയും ഹോമിയോ ആശുപത്രിയുടെയും നവീകരണത്തിനും മരുന്നുകൾക്കും 30 ലക്ഷം രൂപ വീതവും നീക്കിവച്ചിട്ടുണ്ട്.
ആരോഗ്യ മേഖലയ്ക്ക് പ്രത്യേക പരിഗണന
12:12 AM Mar 29, 2017 | Deepika.com