പിണറായി അരക്ഷിത കേരളം സൃഷ്്ടിക്കുന്നു: എം ലിജു
11:23 PM Mar 28, 2017 | Deepika.com
പൂച്ചാക്കൽ: പിണറായി വിജയന്റെ ഭരണത്തിൽ സുരക്ഷിത കേരളമല്ല അരക്ഷിത കേരളമാണുള്ളതെന്ന് ഡിസിസി പ്രസിഡന്റ് എം. ലിജു. കൊലപാതകങ്ങൾക്കും സ്ത്രീ പീഡനങ്ങൾക്കുമെതിരേ ഗാന്ധി ദർശൻ സമിതി ആലപ്പുഴ ജില്ലാ കമ്മറ്റി പൂച്ചാക്കലിൽ സംഘടിപ്പിച്ച അക്രമ വിരുദ്ധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് സാദത്ത് ഹമീദ് അധ്യക്ഷത വഹിച്ചു. ആർഎസ്എസിന്റെ മുഖമുള്ള ഡിജിപിയെയാണ് പിണറായി വിജയൻ നിയമിച്ചിരിക്കുന്നതെന്നും ബാറുകൾ തുറന്ന് പ്രവർത്തിപ്പിക്കാൻ അനുവദിക്കില്ലെന്നും സംസ്ഥാന പ്രസിഡന്റും മുൻ മന്ത്രിയുമായ വി.സി. കബീർ പറഞ്ഞു. വി.കെ. സുനിൽകുമാർ, സി.സി. സുധീഷ്, കൈലാസൻ, സീന പ്രദീപ് എന്നിവർ പ്രസംഗിച്ചു.