ആലപ്പുഴ: ആഡംബരക്കാറിൽ കഞ്ചാവ് കടത്തിയ മൂന്നു പേരെ ആലപ്പുഴ എക്സൈസ് എൻഫോഴ്മെന്റ് ആന്റ് അന്റി നർകോട്ടിക്ക് സ്പെഷ്യൽ സ്ക്വാഡ് അറസ്റ്റു ചെയ്തു. എറണാകുളം വടക്കൻ പറവൂർ സ്വദേശികളായ തോപ്പിൽ വീട്ടിൽ സജിത്ത് (21) തൈപറന്പ് വീട്ടിൽഅഖിൽ (23), മകൻ മനിൽ (23) എന്നിവരാണ് പിടിയിലായത്. അഖിൽ നേരത്തെയും കഞ്ചാവ് കേസിൽ പ്രതിയായിട്ടണ്ട്്. ഇവരിൽ നിന്നും ഒരുകിലോ അൻപതു ഗ്രാം കഞ്ചാവും തിരുവനന്തപുരം രജിസ്ട്രേഷനിലുള്ള ഒരു വോക്സ് വാഗണ് വെന്റൊ കാറും പിടിച്ചെടുത്തു. തുറവൂർ പൂച്ചാക്കൽ റോഡിൽ തൈക്കാട്ടുശ്ശേരി പാലത്തിനു സമീപത്തു വച്ച് സർക്കിൾ ഇൻസ്പെക്ടർ കെ. ആർ. ബാബുവിന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്. ആവശ്യക്കാർ ഫോണിൽ ബന്ധപ്പെടുന്നത് അനുസരിച്ച്
കൃത്യത ഉറപ്പുവരുത്തി കഞ്ചാവ് എത്തിച്ചുകൊടുക്കുന്ന സംഘത്തിൽ പെട്ടവരാണിവരെന്നും, ഇപ്രകാരം ആലപ്പുഴയിൽ കഞ്ചാവ് എത്തിക്കുന്നതിനിടയിലാണ സംഘം എക്സൈസിന്റെ വലയിലായത്. തിരുവനന്തപുരം സ്വദേശിയുടെ പേരിൽ രജിസ്റ്റർ ചെയ്തിട്ടുള്ള വാഹനം ഒരു സുഹൃത്ത് മുഖേന വാടകയ്ക്ക് എടുത്തതാണെന്നും ഇവർക്ക് കഞ്ചാവ് ലഭിക്കുന്നത് അന്തർ സംസ്ഥാന ലോറി ഡ്രൈവർമാർ മുഖാന്തിരമാണെന്നും പറയുന്നു. ഇത് സംബന്ധിച്ച് അന്വേഷണം ആരംഭിച്ചിട്ടുള്ളതായും സർക്കിൾ ഇൻസ്പെക്ടർ അറിയിച്ചു. റെയ്ഡിൽ സർക്കിൾ ഇൻസ്പെക്ടറെ കൂടാതെ പ്രിവന്റീവ് ഓഫീസർ കിഷോർകുമാർ, സിവിൽ എക്സൈസ് ഓഫീസറ·ാരായ, എം. റെനി, ഓംകാർനാഥ്, എം. കെ. സജി, അനിൽ ലാൽ, വി.അരുണ് എന്നിവർ പങ്കെടുത്തു.
ആഡംബര കാറിൽ കഞ്ചാവ് കടത്ത്: മൂന്നുപേർ പിടിയിൽ
11:21 PM Mar 28, 2017 | Deepika.com