മഴയും കാറ്റും; തൊളിക്കോട്ടു 80,000 രൂപയുടെ നാശ നഷ്ടം
01:13 AM Mar 23, 2017 | Deepika.com
വിതുര: കഴിഞ്ഞ ദിവസം വൈകിട്ടു പെയ്ത ശക്തമായ മഴയിലും കാറ്റിലും ഇടി മിന്നലിലും കെഎസ്ഇബി തൊളിക്കോട് പരിധിയിൽ വ്യാപക നാശം. ഏകദേശം 80,000 രൂപയുടെ നാശ നഷ്ടമുണ്ടെന്നാണു പ്രാഥമിക നിഗമനം. മേത്തോട്ടം,കാരയ്ക്കൻതോട്, വിനോബ മേഖലകളിൽ വൈദ്യുത പോസ്റ്റുകൾ ഒടിഞ്ഞു. 11 കെവി ലൈൻ പൊട്ടി വീണു ഗതാഗതം ഭാഗീകമായി തടസപ്പെട്ടു. മരച്ചില്ലകൾ ലൈനിനു മീതെ ഒടിഞ്ഞു വീണതും പലയിടത്തും ബുദ്ധിമുട്ടുണ്ടാക്കി. ഒരു രാത്രി ഈ മേഖലയിൽ വൈദ്യുത വിതരണം താറുമാറായി. ഇന്നലെ വളരെ വൈകിയാണു അറ്റകുറ്റപ്പണികൾ ഭാഗീകമായെങ്കിലും പൂർത്തിയാക്കാനായത്.ഇന്നു ഉച്ചയോടെ മാത്രമേ പണി പൂര്ണതയിലേക്കെത്തൂവെന്നു എഇ അറിയിച്ചു.