ചങ്ങനാശേരി: വാഴപ്പള്ളി മഹാദേവക്ഷേത്രത്തിലെ ഉത്സവം 25ന് ആരംഭിക്കും. അന്ന് ഉച്ചക്ക് 12.15നും 12.55നും മധ്യേ തന്ത്രി കുഴിക്കാട്ടില്ലത്ത് അഗ്നിശർമൻ വാസുദേവൻ ഭട്ടതിരിപ്പാടിന്‍റെ മുഖ്യകാർമികത്വത്തിൽ കൊടിയേറ്റ് നടക്കും. തുടർന്ന് നടക്കുന്ന സാംസ്കാരിക സമ്മേളനം മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്യും. ഒന്നിന് പ്രസാദമൂട്ട്. രാത്രി ഏഴിന് ചാക്യാർകൂത്ത്. 8.30ന് നൃത്തനൃത്ത്യങ്ങൾ. 26ന് രാത്രി ഏഴിന് സംഗീതാർച്ചന. ഒന്പതിന് കഥകളി. 27ന് രാത്രി ഏഴിന് സംഗീതസദസ്. ഒന്പതിന് മേജർസെറ്റ് കഥകളി. 28ന് രാത്രി ഏഴിന് ഗീതാപ്രഭാഷണം. 7.30ന്് ഭക്തിഗിനസുധ, 9.30ന് നാട്യധ്വനി.
29ന് രാവിലെ 10.30ന് നാരായണീയ പാരായണം. രാത്രി ഏഴിന് നൃത്തനൃത്ത്യങ്ങൾ. ഒന്പതിന് പുല്ലാങ്കുഴൽ സമന്വയം. പത്തിന് കൽക്കുളത്തുകാവ് ഭഗവതിക്ഷേത്രത്തിൽനിന്നും കാവടി വിളക്ക്.
30ന് രാവിലെ എട്ടിന് മോർക്കുളങ്ങര ഭഗവതിക്ഷേത്രത്തിലെ നൂറ്റിയൊന്നുകലം വഴിപാട് വാഴപ്പള്ളി മഹാദേവ ക്ഷേത്രത്തിൽനിന്നും പുറപ്പെടും. രാത്രി 7.30ന് കഥകളിപദക്കച്ചേരി. 9.30ന് നൃത്തനൃത്ത്യങ്ങൾ. 10.30ന് സ്റ്റേജ് നൃത്തനാടകം ലങ്കേശ്വരൻ. 31ന് രാവിലെ 11ന് ഓട്ടൻതുള്ളൽ. വൈകുന്നേരം നാലിന് തേങ്ങായേറ് വഴിപാട്. രാത്രി 9.30ന് സംഗീതസദസ്.
ഏപ്രിൽ ഒന്നിന് ഉച്ചയ്ക്ക് ഒന്നിന് ഉത്സവബലിദർശനം. ഉച്ചകഴിഞ്ഞ് 3.30ന് ഓട്ടൻതുള്ളൽ. രാത്രി 10.30ന് നാമസങ്കീർത്തനം. 11.30ന് ദേശവിളക്ക്. രണ്ടിന് ഉച്ചക്ക് ഒന്നിന് ഉത്സവബലിദർശനം. ഉച്ചകഴിഞ്ഞ് മൂന്നിന് തേങ്ങയേറ് വഴിപാട്. 3.30ന് ഓട്ടൻതുള്ളൽ. 4.30ന് വലിയ കാഴ്ചശ്രീബലി. വേലകളി. രാത്രി ഏഴിന് കൊട്ടിപ്പാടിസേവ. രാത്രി പത്തിന് ചങ്ങനാശേരി ടി.എസ്. സതീഷ്കുമാറും സംഘവും അവതരിപ്പിക്കുന്ന നാദലയസാഗരം. 12.30ന് പള്ളിവേട്ട എഴുന്നള്ളിപ്പ്.
മൂന്നിന് രാവിലെ 11ന് കൊടിയിറക്ക്. 1.30ന് തിരുമറയൂർ രാജേഷ് മാരാരും സംഘവും അവതരിപ്പിക്കുന്ന പഞ്ചാരിമേളം. ഉച്ചകഴിഞ്ഞ് 3.30ന് ആറാട്ട് പുറപ്പാട്. 5.30ന് നാഗസ്വരക്കച്ചേരി. രാത്രി 7.30ന് നൃത്തനൃത്ത്യങ്ങൾ. ഒന്പതിന് ആറാട്ട് തിരിച്ചെഴുന്നള്ളത്ത്. 9.30ന് ഐഡിയ സ്റ്റാർ സിംഗർ ഷെയിം ലക്ഷ്മി ജയൻ നയിക്കുന്ന കൊച്ചിൻ മെഗാ ഓർസ്ട്രയുടെ ഗാനമേള, മിമിക്സ്. 10.30ന് തിരുമറയൂർ രാജേഷ് മാരാരും സംഘവും അവതരിപ്പിക്കുന്ന പാണ്ടിമേളം.
പത്രസമ്മേളനത്തിൽ ക്ഷേത്രോപദേശകസമിതി ഭാരവാഹികളായ പി.എൻ. വിജയകുമാർ, ബാബു എസ്. പ്രസാദ്, ബാലകൃഷ്ണപണിക്കർ, എം.ബി. രാജഗോപാൽ, ആർ. ശിവകുമാർ, പ്രസന്നകുമാർ, ഷിനോ എന്നിവർ പങ്കെടുത്തു.
വാഴപ്പള്ളി മഹാദേവക്ഷേത്രത്തിൽ ഉത്സവത്തിന് 25ന് കൊടിയേറും
12:31 AM Mar 23, 2017 | Deepika.com