കോട്ടയം: വേനൽമഴ തുടരും, വരും ദിവസങ്ങളിൽ ശക്തിപ്പെടും. അന്തരീക്ഷ ഈർപ്പത്തിന്റെ തോത് 65ൽ എത്തിയതായി റബർ ബോർഡ് കാലാവസ്ഥാ ഗവേഷണ വിഭാഗം അറിയിച്ചു. വരും ദിവസങ്ങളിൽ രാത്രിമഴയ്ക്കും സാധ്യതയുണ്ട്.
രണ്ടാഴ്ചയായി വേനൽമഴ ലഭിക്കുന്നതിനാൽ 37.2 ഡിഗ്രി വരെ ഉയർന്ന പകൽ താപനില 33 ഡിഗ്രിയായി കുറഞ്ഞു. മാർച്ച് ഒന്നിനും ഫെബ്രുവരി 16നുമാണ് ഇക്കൊല്ലം പകൽച്ചൂട് ഏറ്റവും രേഖപ്പെടുത്തിയത്. മാർച്ച് തുടക്കം മുതൽ ജില്ലയിൽ ഒറ്റപ്പെട്ട മഴ ലഭിക്കുന്നുണ്ട്.
കഴിഞ്ഞ വർഷം മാർച്ചിൽ 11 സെമീ മഴ ലഭിച്ചത് ഇക്കൊല്ലം മാർച്ച് 20 വരെ 16 സെന്റിമീറ്ററായി ഉയർന്നു.
വേനൽമഴ ശക്തിപ്പെടാൻ സാധ്യത
12:31 AM Mar 23, 2017 | Deepika.com