ഇന്‍ഫന്‍റ് ജീസസ് സ്‌കൂള്‍ വിദ്യാര്‍ഥികള്‍ ജല സര്‍വേ നടത്തും
10:41 PM Mar 22, 2017 | Deepika.com
ആലക്കോട്: ലോക ജലദിനത്തോടനുബന്ധിച്ച് ആലക്കോട് ഇന്‍ഫന്‍റ് ജീസസ് എല്‍പി സ്‌കൂളില്‍ കുട്ടികള്‍ക്ക് റെജി സേവി ബോധവല്‍ക്കരണ ക്ലാസ് നടത്തി. നാട്ടുകാരുടെയും ജനപ്രതിനിധികളുടെയും സഹകരണത്തോടെ ജലസ്രോതസുകള് ശുചീകരിക്കുകയും സംരക്ഷിക്കുകയും ചെയ്യുക എന്ന ലക്ഷ്യം മുന്‍നിര്‍ത്തിയാണ് വിവിധ പദ്ധതികള്‍ ആസൂത്രണം ചെയ്തിരിക്കുന്നത്. ഇതിനു മുന്നോടിയായി കുട്ടികള്‍ക്ക് തങ്ങളുടെ പരിസരങ്ങളിലെ ജലസ്രോതസുകളെപ്പറ്റി അറിയുന്നതിനായി സര്‍വേ ഫോറം വിതരണം ചെയ്തു. 31 നു സ്‌കൂളില്‍ ശേഖരിക്കുന്ന സര്‍വേ റിപ്പോര്‍ട്ടുകളുടെ പശ്ചാത്തലത്തില്‍ അവധിക്കാല പ്രവര്‍ത്തനങ്ങളായി ഈ പ്രോജക്ട് നടപ്പാക്കാനാണ് ലക്ഷ്യമിടുന്നത്.