വ്യാപാരികളും ഓട്ടോതൊഴിലാളികളും പണിമുടക്കി
02:01 AM Mar 22, 2017 | Deepika.com
കീഴ്പ്പള്ളി : കീഴ്പ്പള്ളി ബസ് സ്റ്റാൻഡും അനുബന്ധറോഡും ഇതുവരെ പ്രവര്ത്തനസജ്ജമാക്കാത്തതില്പ്രതിഷേധിച്ച് വ്യാപാരികളും ഓട്ടോ തൊഴിലാളികളും ഇന്നലെ പണിമുടക്കി. വ്യാപാരികള് കടകളടച്ച് ഹര്ത്താലാചരിച്ചു. പഞ്ചായത്ത് ഓഫീസിലേക്ക് നടത്തിയ ധര്ണ വ്യാപാരി വ്യവസായി ഏകോപന സമിതി കണ്ണൂര് ജില്ലാപ്രസിഡന്റ് ദേവസ്യ മേച്ചേരി ഉദ്ഘാടനം ചെയ്തു. ജോണ്സണ് പാലത്തിങ്കല് അധ്യക്ഷത വഹിച്ചു. പി.സുധാകരന്, റഷീദ് പാനേരി, പി.സി സോണി, പി.ഡി ജോസ്, പ്രശാന്തന്കുമ്പത്തി തുടങ്ങിയവര് പ്രസംഗിച്ചു.