‘ദളിത് യുവതിയെ വീട്ടിൽകയറി മർദിച്ചവർക്കെതിരേ കേസെടുക്കണം’
01:44 AM Mar 22, 2017 | Deepika.com
മൂവാറ്റുപുഴ: ഗർഭിണിയായ ദളിത് യുവതിയെ വീട്ടിൽ കയറി മർദിച്ച പ്രതികളെ ഉടൻ അറസ്റ്റ് ചെയ്യണമെന്ന് ദളിത് കോണ്ഗ്രസ് ജില്ലാ പ്രസിഡന്റ് കെ.ജി. രാധാകൃഷ്ണൻ, സംസ്ഥാന വൈസ് പ്രസിഡന്റ് എൻ.കെ. അനിൽകുമാർ എന്നിവർ ആവശ്യപ്പെട്ടു. നിയോജക മണ്ഡലത്തിൽ പട്ടികജാതി, വർഗ വിഭാഗങ്ങൾക്കെതിരേ അതിക്രമങ്ങൾ വർധിച്ചുവരുന്ന സാഹചര്യത്തിൽ പട്ടികജാതി, പട്ടികവർഗ കമ്മീഷൻ സംഭവത്തെക്കുറിച്ച് അന്വേഷണം നടത്തണമെന്നും വിഭാഗങ്ങൾക്ക് സംരക്ഷണം ഉറപ്പാക്കാൻ പീഡന നിരോധന നിയമമനുസരിച്ച് പോലീസ് കേസെടുക്കുന്നുണ്ടെന്ന് ഉറപ്പാക്കണമെന്നും ഇവർ ആവശ്യപ്പെട്ടു. മർദനത്തിനിരയായ യുവതിയെ നേതാക്കൾ ആശുപത്രിയിൽ സന്ദർശിച്ചു.