"വാഹന ഉപവാസ ഞായർ’
12:42 AM Mar 22, 2017 | Deepika.com
കോട്ടയം: മലങ്കര ഓർത്തഡോക്സ് സഭ ഉൗർജ/ജല സംരക്ഷണം ലക്ഷ്യമാക്കി നടപ്പിലാക്കുന്ന ’സിനെർഗിയ’ പദ്ധതിയുടെ ഭാഗമായി വലിയനോന്പിനന്റെ അഞ്ചാം ഞായാറാഴ്ചയായ 26നു ’വാഹന ഉപവാസ ഞായർ’ ആചരിക്കും. കഴിഞ്ഞവർഷം സഭ ദുഃഖവെള്ളിയാഴ്ച 24 മണിക്കൂർ മൊബൈൽ ഫോണ്, കന്പ്യൂട്ടർ മുതലായ ഓഫ് ചെയ്തു ’സൈബർ ഫാസ്റ്റ്’ ആചരിച്ചു. നൂതനവും പ്രതീകാത്മകവുമായ ’വാഹന ഉപവാസം’ (Vehicle fasting) നോന്പിനന്റെയും ഉപവാസത്തിനന്റെയും പാരിസ്ഥിതിക മാനം ഉൾക്കൊളളും. 22 അന്താരാഷ്ട്ര ജല സംരക്ഷണദിനവും 25 അന്താരാഷ്ട്ര ഭൗമമണിക്കൂർ ആചരണവും കഴിഞ്ഞുളള ഞായറാഴ്ചയാണ് വാഹന ഉപവാസ ദിനമായി സഭ ആചരിക്കും. ജീവിതശൈലി രോഗങ്ങളാൽ വലയുന്നവർക്ക് ശാരീരിക വ്യായാമത്തിനന്റെ പ്രാധാന്യം ബോധ്യപ്പെടുത്തുന്നതിനും കാൽനടയായി അകലെയുളള പള്ളികളിൽ എത്തി ത്യാഗനിർഭരമായ ആരാധനാ ജീവിതം നയിച്ച മുൻതലമുറയെ അനുസ്മരിക്കുവാനും അനുകരിക്കുവാനും അവസരം പ്രയോജനപ്പെടണം. പ്രകൃതിയുമായി ഇണങ്ങി ജീവിക്കാനും വാഹനങ്ങൾ പുറംതളളുന്ന അപകടകാരിയായ കാർബണ് മോണോക്സൈഡിനന്റെ സാന്നിദ്ധ്യം കുറയ്ക്കുന്നതിനും ആഡംബര രഹിത ജീവിതത്തെക്കുറിച്ച് ഇന്നത്തെ തലമുറയെ ബോധ്യപ്പെടുത്തുന്നതിനും ഈ ആചരണം ഉപകരിക്കും. പളളിയുടെ സമീപപ്രദേശങ്ങളിൽ വസിക്കുന്നവർ കാൽനടയായും സൈക്കിളിൽ വരാവുന്നവർ അങ്ങനെയും അല്പം ദൂരെയുളളവർ പൊതുയാത്രാ സൗകര്യങ്ങൾ (Public Transport) ഉപയോഗിക്കുകയും ചെയ്യണം. വൃദ്ധർക്കും ശാരീരികപ്രയാസമുളളവർക്കും ഇളവ് നൽകാം.