ചാ​പ്പാ കോ​ള​നി​യി​ലെ ദു​രി​ത​ങ്ങ​ൾ​ക്ക് അ​റു​തി​യി​ല്ല

അ​ജി​ത് മാ​ത്യു

ര​ണ്ട് വ​ർ​ഷം മു​ന്പ് മാ​വോ​യി​സ്റ്റ് സാ​ന്നി​ദ്ധ്യം കൊ​ണ്ട് ശ്ര​ദ്ധ നേ​ടി​യ തൊ​ണ്ട​ർ​നാ​ട് കു​ഞ്ഞോം പ്ര​ദേ​ശ​ത്തെ കോ​ള​നി​ക​ളി​ൽ പ്ര​ഖ്യാ​പി​ച്ച വി​ക​സ​ന പ്ര​വ​ർ​ത്ത​ന​ങ്ങ​ളും പാ​തി​വ​ഴി​യി​ൽ അ​വ​സാ​നി​പ്പി​ച്ച മ​ട്ടാ​ണ്. മാ​വോ​വാ​ദി​ക​ളും ത​ണ്ട​ർ​ബോ​ൾ​ട്ടും നേ​ർ​ക്കു​നേ​ർ സം​സ്ഥാ​ന​ത്ത് ആ​ദ്യ​മാ​യി ഏ​റ്റു​മു​ട്ടി​യ കു​ഞ്ഞോം ചാ​പ്പാ കോ​ള​നി ഇ​പ്പോ​ഴും വാ​ഗ്ദാ​ന​ങ്ങ​ൾ​ക്ക​പ്പു​റം ഒ​ന്നും നേ​ടാ​തെ പ​ഴ​യ രീ​തി​യി​ൽ​ത​ന്നെ​യു​ള്ള ജി​വി​തം തു​ട​രു​ക​യാ​ണ്.
2014 ഡി​സം​ബ​ർ എ​ട്ടി​ന് ചാ​പ്പ​യി​ലെ കോ​ള​നി​യി​ലു​ണ്ടാ​യ വെ​ടി​വ​യ്പി​നെ തു​ട​ർ​ന്നാ​ണ് തൊ​ണ്ട​ർ​നാ​ട് പാ​ക്കേ​ജ് എ​ന്ന പേ​രി​ൽ കോ​ള​നി​ക​ളു​ടെ വി​ക​സ​ന​ത്തി​നാ​യി അ​ഞ്ച് കോ​ടി രൂ​പ സം​സ്ഥാ​ന സ​ർ​ക്കാ​ർ അ​നു​വ​ദി​ച്ച​ത്. 2015 മാ​ർ​ച്ച് 31ന​കം പൂ​ർ​ത്തി​യാ​ക്കു​മെ​ന്നു പ​റ​ഞ്ഞ് തു​ട​ങ്ങി​യ പ​ദ്ധ​തി​ക​ളാ​ണ് ര​ണ്ട് വ​ർ​ഷം ക​ഴി​ഞ്ഞി​ട്ടും പ​കു​തി പോ​ലും പൂ​ർ​ത്തി​യാ​ക്കാ​നാ​വാ​തെ ഇ​ഴ​യു​ന്ന​ത്.
വെ​ടി​വയ്​പ്പു​ണ്ടാ​യ ചാ​പ്പ കോ​ള​നി പു​തു​വ​ർ​ഷ​ത്തി​ൽ സ​ന്ദ​ർ​ശി​ച്ച അ​ന്ന​ത്തെ ആ​ഭ്യ​ന്ത​ര​മ​ന്ത്രി ര​മേ​ശ് ചെ​ന്നി​ത്ത​ല വാ​ഗ്ദാ​നം ചെ​യ്ത​ത് നി​ങ്ങ​ൾ​ക്ക് വേ​ണ്ട​തെ​ല്ലാം ചെ​യ്തു ത​രാ​നാ​യി മു​ഴു​വ​ൻ ഉ​ദ്യോ​ഗ​സ്ഥ​രു​മാ​യാ​ണെ​ത്തി​യ​തെ​ന്നും ദേ​ശ​വി​രു​ദ്ധ​ശ​ക്തി​ക​ളോ​ടൊ​പ്പം കൂ​ട​രു​തെ​ന്നു​മാ​ണ്. ഇ​തി​ൽ വി​ശ്വ​സി​ച്ച കോ​ള​നി നി​വാ​സി​ക​ൾ വി​ക​സ​നം വ​രു​ന്ന​തും കാ​ത്തി​രു​ന്നെ​ങ്കി​ലും സ​ഞ്ചാ​ര​യോ​ഗ്യ​മാ​യ റോ​ഡു​പോ​ലും ഇ​വ​ർ​ക്ക് ല​ഭി​ച്ചി​ല്ല.
​കോ​ള​നി​യു​ടെ വി​ക​സ​ന​ത്തി​നാ​യി നാ​ൽ​പ​തു ല​ക്ഷം രൂ​പ​യോ​ള​മാ​ണ് പ​ദ്ധ​തി​യി​ൽ വ​ക​യി​രു​ത്തി​യ​ത്. റോ​ഡ് 2500000, പ​ശു​വ​ള​ർ​ത്ത​ൽ 240000, വീ​ട് ക​ക്കൂ​സ് നി​ർ​മാ​ണം 800000, തൊ​ഴി​ൽ പ​രി​ശീ​ല​നം 150000 എ​ന്നി​ങ്ങ​നെ​യാ​യി​രു​ന്നു വ​ക​യി​രു​ത്തി​യ​ത്. അ​ഞ്ച് കു​ടും​ബ​ങ്ങ​ൾ താാ​മ​സി​ക്കു​ന്ന ചാ​പ്പ​കോ​ള​നി​യി​ൽ വി​ക​സ​ന​മെ​ത്ത​ണ​മെ​ങ്കി​ൽ കോ​ള​നി വ​രെ​യെ​ത്തു​ന്ന റോ​ഡ് അ​ത്യാ​വ​ശ്യ​മാ​ണെ​ന്ന് മ​ന​സി​ലാ​ക്കാ​ൻ ഏ​റെ ത​ല​പു​ക​യ്ക്കേ​ണ്ട​തി​ല്ല. എ​ന്നാ​ൽ ര​ണ്ട് വ​ർ​ഷം ക​ഴി​ഞ്ഞി​ട്ടും കോ​ള​നി​യി​ലേ​ക്കു​ള്ള റോ​ഡ് പ​ണി പൂ​ർ​ത്തി​യാ​യി​ട്ടി​ല്ല. നേ​ര​ത്തെ ഉ​ണ്ടാ​യി​രു​ന്ന ഭാ​ഗ​ങ്ങ​ൾ ചെ​റി​യ തോ​തി​ൽ ന​വീ​ക​രി​ച്ച​തൊ​ഴി​ച്ചാ​ൽ മ​ഴ​ക്കാ​ല​ത്ത് കാ​ൽ​ന​ട​യാ​ത്ര പോ​ലും സാ​ധ്യ​മ​ല്ലാ​ത്ത റോ​ഡാ​ണ് നി​ല​വി​ലു​ള്ള​ത്. റോ​ഡി​ല്ലാ​ത്ത​തു​കൊ​ണ്ട് സ​ർ​ക്കാ​ർ അ​നു​വ​ദി​ക്കു​ന്ന തു​ക​യാ​യ മൂ​ന്ന​ര ല​ക്ഷ​ത്തി​ന് വീ​ട് പ​ണി​പൂ​ർ​ത്തി​യാ​ക്കാ​നാ​വി​ല്ല എ​ന്ന കാ​ര​ണ​ത്താ​ൽ ആ​രും പു​തി​യ വീ​ട് പ​ണി ഏ​റ്റെ​ടു​ത്തി​ട്ടി​ല്ല.
അ​ടി​സ്ഥാ​ന​വി​ക​സ​ന​മെ​ന്ന പേ​രി​ൽ ന​ട​പ്പാ​ക്കി​യ പ​ദ്ധ​തി​യി​ൽ​പെ​ടു​ത്തി കോ​ള​നി​യി​ലേ​ക്ക് കു​ടി​വെ​ള്ള​മോ ക​ക്കൂ​സ് നി​ർ​മാ​ണ​മോ ന​ട​ത്തി​യി​ല്ല. ഇ​പ്പോ​ഴും ഇ​വ​ർ ആ​ശ്ര​യി​ക്കു​ന്ന​ത് വേ​ന​ലി​ൽ വ​റ്റു​ന്ന നീ​ര​രു​വി​യെ​യാ​ണ്.
മാ​വോ​വാ​ദി നേ​താ​വ് രൂ​പേ​ഷി​നെ പി​ടി​കൂ​ടു​ന്ന​തി​ന് മു​ന്പാ​യി നി​ര​വ​ധി ത​വ​ണ മാ​വോ​വാ​ദി​ക​ൾ ഈ ​കോ​ള​നി​യി​ലെ​ത്തി​യി​രു​ന്നു. ഈ ​സ​മ​യ​ങ്ങ​ളി​ലെ​ല്ലാം കോ​ള​നി നി​വാ​സി​ക​ളു​ടെ ക്ഷേ​മാ​ന്വേ​ഷ​ണ​ങ്ങ​ൾ​ക്കാ​യി ജ​ന​മൈ​ത്രി പോ​ലീ​സ് ഉ​ൾ​പ്പെ​ടെ വി​വ​ധ സ​ർ​ക്കാ​ർ ഉ​ദ്യോ​ഗ​സ്ഥ​ർ കോ​ള​നി​ക​ളി​ലെ​ത്താ​റു​ണ്ടാ​യി​രു​ന്നു. എ​ന്നാ​ൽ ക​ഴി​ഞ്ഞ ര​ണ്ട് വ​ർ​ഷ​ത്തോ​ള​മാ​യി ട്രൈ​ബ​ൽ പ്ര​മോ​ട്ട​ർ​മാ​ർ പോ​ലും കോ​ള​നി​യി​ൽ വ​ന്നു വി​വ​ര​ങ്ങ​ളെ​ടു​ക്കാ​റി​ല്ലെ​ന്ന് കോ​ള​നി​വാ​സി​ക​ൾ പ​റ​യു​ന്നു.

തുടരും...