ആലങ്ങാട്: വിദ്യാർഥി പുഴയിൽ മുങ്ങി മരിച്ചു. മാഞ്ഞാലി നിലപ്പുരപറന്പിൽ അബ്ദുൾ സലാമിന്റെ മകൻ മുഹമ്മദ് ഹസൻ (13) ആണ് പുഴയിൽ മുങ്ങിമരിച്ചത്. ക്ലാസ് കഴിഞ്ഞു കൂട്ടുകാരോടൊപ്പം വീട്ടിലേക്കു മടങ്ങി വരുന്ന വഴി ചാലാക്ക പാലത്തിന്റെ അടിയിലുള്ള പുഴയിൽ കുളിക്കാൻ ഇറങ്ങിയതാണ്. നല്ല അടിയൊഴുക്കുള്ള സമയം ആയതിനാൽ ഒഴുക്കിൽ പെട്ട് മുങ്ങി താഴുകയായിരുന്നു. കൂടെ ഉണ്ടായിരുന്ന രണ്ടു വിദ്യാർഥികളെ നാട്ടുകാർ രക്ഷപ്പെടുത്തി.
കുന്നുകര എംഇഎസ് സെൻട്രൽ സ്കൂൾ ഒൻപതാം ക്ലാസ് വിദ്യാർഥിയാണ് മുഹമ്മദ് ഹസൻ. മാതാവ്: സൈന. സഹോരൻ: മുഹമ്മദ് നാസിം.
വിദ്യാർഥി പുഴയിൽ മുങ്ങിമരിച്ചു
10:55 PM Mar 21, 2017 | Deepika.com