മണിമല: കിണറുകൾ റീചാർജ് ചെയ്തതോടെ കുടിവെള്ളക്ഷാമത്തിനു പരിഹാരമായി. സുസ്ഥിരയുടെ നേതൃത്വത്തിൽ നിർമിച്ച കിണർ റീചാർജിംഗിലൂടെയാണ് മണിമല പഞ്ചായത്തിലെ അറുപതു കുടുംബങ്ങളുടെ കുടിവെള്ളക്ഷാമം പരിഹരിച്ചത്.
എല്ലാ വർഷവും കിണറുകൾ വറ്റുകയും വെള്ളം വിലയ്ക്കുവാങ്ങി ഒഴിക്കുകയും ചെയ്തിരുന്ന കുടുംബങ്ങളുടെ കിണറുകളാണ് റീചാർജ് ചെയ്തത്. ഇതുമൂലം കടുത്ത വേനലിലും ഇക്കുറി ജലക്ഷാമമുണ്ടായില്ല. കഴിഞ്ഞ ജൂൺ, ഓഗസ്റ്റ് മാസങ്ങളിൽ നിർമിച്ച കിണർ റീചാർജിംഗിലൂടെ ഉറവയിലേക്ക് മഴവെള്ളം ശേഖരിച്ചിരുന്നതിനാൽ കിണറ്റിൽ വേനൽക്കാലത്തും വെള്ളമുണ്ടായിരുന്നു. കൂടാതെ ഒരാഴ്ചയായി ലഭിക്കുന്ന മഴവെള്ളം റീചാർജിംഗ് വഴിയായി കിണറിലേക്കും എത്തുന്നു.
പഞ്ചായത്തിൽ നടപ്പിലാക്കിയ ഉപ്പുകുളം നീർത്തട വികസന പദ്ധതിയുടെ ഭാഗമായിട്ടാണ് സുസ്ഥിര കിണർ റീചാർജിംഗുകൾ കർഷകർക്കു നിർമിച്ചു നൽകിയത്.
കിണറുകൾ റീചാർജ് ചെയ്തു: കുടിവെള്ളക്ഷാമത്തിനു പരിഹാരമായി
10:07 PM Mar 21, 2017 | Deepika.com