നെടുങ്കണ്ടം: കഞ്ചാവുമായി തമിഴ്നാട് സ്വദേശിയായ യുവാവിനെ കന്പംമെട്ട് ചെക്കുപോസ്റ്റിൽ പിടികൂടി. തേനി പെരിയകുളം സൗത്ത് അഗ്രഹാരം തെരുവിൽ സിദ്ധയ്യ(38)ആണ് പിടിയിലായത്. ഇയാളിൽനിന്നും 30 ഗ്രാം കഞ്ചാവ് കണ്ടെടുത്തു.
കന്പത്തുനിന്നുള്ള കഐസ്ആർടിസി ബസിൽ കന്പംമെട്ട് ചെക്ക് പോസ്റ്റിലിറങ്ങി നടന്നുവരുന്നതിനിടെയാണ് ഇയാൾ പിടികൂടിയത്. അടിവസ്ത്രത്തിൽ ഒളിപ്പിച്ച നിലയിലായിരുന്നു കഞ്ചാവ്. സ്വന്തം ആവശ്യത്തിനായാണ് കഞ്ചാവ് സൂക്ഷിച്ചതെന്ന് ഇയാൾ പറഞ്ഞു. കന്പംമെട്ട് എക്സൈസ് ഇൻസ്പെക്ടർ ജിജി ഐപ്പ് മാത്യു, റെജി ജോർജ് എന്നിവരടങ്ങിയ സംഘമാണ് ഇയാളെ പിടികൂടിയത്.
നെടുങ്കണ്ടം: കട്ടപ്പന സ്വദേശിയായ യുവാവിനെ 50 ഗ്രാം കഞ്ചാവുമായി കന്പംമെട്ട് ചെക്ക്പോസ്റ്റിൽ എക്സൈസ് അധികൃതർ പിടികൂടി. കട്ടപ്പന പുത്തൻപുരയ്ക്കൽ മണി (27) ആണ് പിടിയിലായത്. വസ്ത്രത്തിനുള്ളിൽ ഒളിപ്പിച്ചനിലയിലായിരുന്ന കഞ്ചാവാണ് കണ്ടെടുത്തത്.
കഞ്ചാവുമായി പിടിയിൽ
09:47 PM Mar 21, 2017 | Deepika.com