നിയമങ്ങൾ സാമൂഹ്യ മുന്നേറ്റത്തിനു വേണ്ടിയാവണം: കളക്ടർ
02:01 AM Mar 21, 2017 | Deepika.com
കാസർഗോഡ്:നിയമങ്ങൾ സാമൂഹ്യമുന്നേറ്റത്തിന് ഉതകുന്നതാകണമെന്നും എല്ലാ വിഭാഗം ആളുകളും നിയമം സംബന്ധിച്ച് ബോധവാൻമാരാകേണ്ടതുണ്ടെന്നും അവ ഫലപ്രദമായി നടപ്പിൽ വരുത്തുന്നതിന് സാമൂഹിക ഇടപെടലുകൾ ശക്തമാക്കുകയാണ് പരിഹാരമെന്നും ജില്ലാ കളക്ടർ കെ.ജീവൻബാബു പറഞ്ഞു. പട്ടികജാതി വികസന വകുപ്പിന്റെ ആഭിമുഖ്യത്തിൽ അതിക്രമം തടയൽ നിയമവുമായി ബന്ധപ്പെട്ട് ജില്ലാ ആസൂത്രണ സമിതി കോണ്ഫറൻസ് ഹാളിൽ നടന്ന സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പോലീസ് ചീഫ് കെ.ജി.സൈമണ് അധ്യക്ഷതവഹിച്ചു. ജില്ലാ ഗവ. പ്ലീഡർ പി.വി.ജയരാജൻ, ബാർ അസോസിയേഷൻ പ്രസിഡന്റ് എ.എൻ.അശോക്കുമാർ, ഡെപ്യൂട്ടി സൂപ്രണ്ട് ഓഫ് പോലീസ് ഹരിശ്ചന്ദ്ര നായിക് എന്നിവർ ക്ലാസെടുത്തു. ജില്ലാ പഞ്ചായത്തംഗം എം. നാരായണൻ, ട്രൈബൽ എക്സ്റ്റൻഷൻ ഓഫീസർ പ്രസന്ന എന്നിവർ സംസാരിച്ചു. വിവിധ തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികൾ, പോലീസ് വകുപ്പിലെ ഉദ്യോഗസ്ഥർ, പട്ടികജാതി വികസന വകുപ്പിലെ ഉദ്യോഗസ്ഥർ തുടങ്ങിയവർ സംബന്ധിച്ചു. ചടങ്ങിൽ ജില്ലാ പട്ടികജാതി വികസന ഓഫീസർ എം.പി.സജിത് സ്വാഗതവും അസിസ്റ്റന്റ് ജില്ലാ പട്ടികജാതി വികസന ആഫീസർ കെ.കെ.ഷാജു നന്ദിയും പറഞ്ഞു