സന്പൂർണ വൈദ്യുതീകരണ പ്രഖ്യാപനം 27ന്
01:10 AM Mar 21, 2017 | Deepika.com
പേരൂർക്കട: ജില്ലയിൽ സന്പൂർണ വൈദ്യുതീകരണ പ്രഖ്യാപനം 27ന് നടത്തും. ഇതിനു മുന്നോടിയായി വൈദ്യുതീകരണം സംബന്ധിച്ചുള്ള പ്രവർത്തനങ്ങൾ അടിയന്തരമായി പൂർത്തിയാക്കണമെന്ന് കളക്ടർ ഉദ്യോഗസ്ഥർക്ക് നിർദേശം നൽകി. എഡിഎം ഉൾപ്പെടെയുള്ള ഉദ്യോഗസ്ഥർ വൈദ്യുതി ലൈൻ വലിക്കുന്നതുൾപ്പെടെയുള്ള കാര്യങ്ങൾ സംബന്ധിച്ചു വന്നിട്ടുള്ള പരാതികൾ അടിയന്തരമായി പരിഗണിക്കണം. പരാതി ലഭിച്ച് നോട്ടീസ് അയച്ച ശേഷം ഹിയറിംഗിനായി വിളിച്ചതിൽ വരാത്തവരുടെ പ്രശ്നങ്ങളിൽ ഉത്തരവിറക്കി വൈദ്യുതീകരണ പ്രവർത്തനങ്ങൾ ആരംഭിക്കണം. രണ്ട ു ദിവസത്തിനുള്ളിൽ സ്ഥലം സന്ദർശിച്ച് പ്രവർത്തനങ്ങൾ വിലയിരുത്തി റിപ്പോർട്ട് നൽകണമെന്നും കളക്ടർ വെങ്കിടേസപതി നിർദേശിച്ചു.