മാനന്തവാടി: പോലീസുകാരനെ മർദ്ദിച്ചുവെന്നാരൊപിച്ച് കസ്റ്റഡിയിലെടുത്ത പ്രതിയെ പോലീസ് സ്റ്റേഷനിൽ ക്രൂരമായി മർദ്ദിച്ച സംഭവത്തിൽ അഡീഷണൽ എസ്ഐ ഉൾപ്പെടെ നാലു പേർക്കെതിരെ കേസെടുത്തു.
പുൽപ്പള്ളി പോലീസ് സ്റ്റേഷനിൽ 13ന് തൊട്ടിൽപ്പാലം ഓട്ടേരിക്കുന്നേൽ റോയി തോമസിനെയാണ് പോലീസ് മർദ്ദിച്ചത്. ലോക്കപ്പ് മർദ്ദനത്തിൽ റോയിക്ക് സാരമായി പരിക്കേറ്റിരുന്നു. റോയിയെ കോടതിയുടെ നിർദേശപ്രകാരമാണ് മാനന്തവാടി ജില്ലാ ആശുപതിയിൽ പ്രവേശിപ്പിച്ചത്.
റോയിയുടെ മൊഴി പ്രകാരം പുൽപ്പള്ളി സിഐ കേസ് റജിസ്റ്റർ ചെയ്തു. പുൽപ്പള്ളി സ്റ്റേഷനിലെ അഡീഷണൽ എസ്ഐയുൾപ്പെടെ നാലുപേർക്കെതിരെയാണ് കേസ്. ഐപിസി 506, 323, 324, 326 എന്നീ വകുപ്പുകൾ പ്രകാരമാണ് കേസ്.
പുൽപ്പള്ളി പോലീസ് ലോക്കപ്പ് മർദ്ദനം: പോലീസുകാർക്കെതിരേ കേസെടുത്തു
12:40 AM Mar 21, 2017 | Deepika.com