നെടുമങ്ങാട് അർബൻ കോ ഓപ്പറേറ്റീവ് ബാങ്ക് തെരഞ്ഞെടുപ്പ് സ്റ്റേ ചെയ്തു
11:54 PM Mar 12, 2017 | Deepika.com
നെടുമങ്ങാട്: വോട്ടർ പട്ടികയിൽ വ്യാപകമായ ക്രമക്കേട് കണ്ടെത്തിയതിനെ തുടർന്ന് നെടുമങ്ങാട് അർബൻ കോ.ഓപ്പറേറ്റീവ് ബാങ്ക് തെരഞ്ഞെടുപ്പ് ഹൈക്കോടതി സ്റ്റേ ചെയ്തു. ഈ മാസം 26 നായിരുന്നു തെരഞ്ഞെടുപ്പു നടക്കേണ്ടിയിരുന്നത്. 13നായിരുന്നു നോമിനേഷൻ. തെരഞ്ഞെടുപ്പുമായി ബന്ധപ്പെട്ട് പ്രസിദ്ധീകരിച്ച വോട്ടർ പട്ടികയിൽ വ്യാപകമായ വെട്ടി നിരത്തലും പാകപ്പിഴകളും കണ്ടെത്തിയതിനെ തുടർന്ന് നെടുമങ്ങാട് നഗരസഭാ സ്റ്റാന്ഡിംഗ് കമ്മിറ്റി ചെയർമാൻ ടി.ആർ. സുരേഷ് സമർപ്പിച്ച ഹർജിയിലാണ് ഉത്തരവ്.തെരഞ്ഞെടുപ്പുമായി ബന്ധപ്പെട്ടുള്ള എല്ലാ നടപടിക്രമങ്ങളും നിർത്തി വയ്ക്കാൻ ഉത്തരവിൽ പറയുന്നു.