ഫ്രാൻസിൽനിന്നുള്ള സംഘം സ്കൂൾ സന്ദർശിച്ചു
01:52 AM Feb 19, 2017 | Deepika.com
കോതമംഗലം: കോഴിപ്പിള്ളി മർത്തമറിയം പബ്ലിക് സ്കൂളിൽ സാംസ്കാരിക സമന്വയത്തിന്റെ ഭാഗമായി ഫ്രാൻസിൽനിന്നുള്ള മുപ്പത്തഞ്ച് അംഗ സംഘം സന്ദർശിച്ചു. വിദ്യാഭ്യാസ സന്പ്രദായത്തെപ്പറ്റിയുള്ള നവീനപരിഷ്ക്കാരങ്ങൾ നേരിട്ടറിയാനാണ് സംഘം എത്തിയത്. പ്രിൻസിപ്പൽ ജോയികുട്ടി ഫിലിപ്പ്, സെക്രട്ടറി കെ.എം. ഏലിയാസ്, അധ്യാപകർ എന്നിവർ ചേർന്ന് സംഘത്തെ സ്വീകരിച്ചു. അംഗങ്ങൾ കുട്ടികളുമായി സംവദിക്കുകയും കലാപരിപാടികൾ ആസ്വദിച്ച ശേഷമാണ് മടങ്ങിയത്.