വിശ്വജ്യോതി കോളജിൽ ടെക്നിക്കൽ ഫെസ്റ്റ് സമാപിച്ചു
01:52 AM Feb 19, 2017 | Deepika.com
വാഴക്കുളം: വിശ്വജ്യോതി കോളജിൽ എൻജിനിയറിംഗ്, മാനേജ്മെന്റ് വിഭാഗങ്ങളുടെ സംയുക്താഭിമുഖ്യത്തിൽ നടത്തിയ ടെക്നിക്കൽ ഫെസ്റ്റ് സമാപിച്ചു. ഓട്ടോ എക്സ്പോ- ഹോട്ട് വീൽസ് എന്നിവ വാഹനപ്രേമികളെ ആകർഷിച്ചു. മോഡിഫൈഡ് കാറുകളുടേയും എക്സോട്ടിക് കാറുകളുടേയും ക്രൂയിസ് ബൈക്കുകളുടേയും പ്രദർശനവും ശ്രദ്ധേയമായി. വിനോദവും വിജ്ഞാനവും പകർന്ന എർത്ത് എൻജിൻ എക്സിബിഷൻ, പ്രോജക്ട് എക്സ്പോ, പേപ്പർ പ്രസന്റേഷൻ, വിവിധ മത്സരങ്ങൾ, ക്വിസ് പ്രോഗ്രാമുകൾ എന്നിവയിൽ സംസ്ഥാനത്തെ വിവിധ ഭാഗങ്ങളിൽ ന്നുള്ള വിദ്യാർഥികൾ പങ്കെടുത്തു. വിജയികൾക്ക് നാലു ലക്ഷത്തോളം രൂപ സമ്മാനതുകയും വിതരണം ചെയ്തു. രണ്ടു ദിവസമായി നടക്കുന്ന ടെക്നിക്കൽ ഫെസ്റ്റ് റൈഫി ടെക്നോളജീസ് സിഇഒ ജോണ് മാത്യു ഉദ്ഘാടനം ചെയ്തു. കോളജ് മാനേജർ മോണ്. ജോർജ് ഓലിയപ്പുറം, പ്രിൻസിപ്പൽ ജോസഫ് കുഞ്ഞുപോൾ, വൈസ് പ്രിൻസിപ്പൽ നവീൻ ജേക്കബ്, യൂണിയൻ ഭാരവാഹികൾ എന്നിവർ പ്രസംഗിച്ചു.