ഏറ്റുകുടുക്ക ലൂർദ്മാതാ ദേവാലയ തിരുനാൾ തുടങ്ങി
01:33 AM Feb 19, 2017 | Deepika.com
പയ്യന്നൂർ: ഏറ്റുകുടുക്ക ലൂർദ്മാതാ മലങ്കര സുറിയാനി കത്തോലിക്കാ ദേവാലയത്തിലെ തിരുനാൾ ആഘോഷത്തിനു തുടക്കംകുറിച്ച് ഇടവക വികാരി ഫാ.റെനി മുടന്പള്ളിക്കുഴി കൊടിയേറ്റി. തുടർന്നുനടന്ന തിരുക്കർമങ്ങൾക്കു ഫാ.ഷിന്റോ ആലപ്പാട്ട് മുഖ്യകാർമികത്വം വഹിച്ചു. തുടർന്നു ചെറുപ്പാറ കുരിശടിയിലേക്കു പ്രദക്ഷിണവും സ്നേഹഭോജനവും നടന്നു. തിരുനാൾ ദിനമായ ഇന്നുരാവിലെ 9.30 ന് ആദ്യ കുർബാനയുൾപ്പെടെയുള്ള തിരുക്കർമങ്ങൾ ആരംഭിക്കും. ഫാ.യൊവാക്കിം പണ്ടാരക്കുടിയിൽ, ഫാ.റെനി മുടന്പള്ളിക്കുഴി, ഫാ.അനീഷ് എന്നിവർ തിരുക്കർമങ്ങൾക്കു കാർമികത്വം വഹിക്കും. തുടർന്നു നടത്തുന്ന സ്നേഹവിരുന്നോടെ തിരുനാൾ ആഘോഷങ്ങൾ സമാപിക്കും.