പുൽപ്പള്ളി: 60 വയസ് കഴിഞ്ഞ വയോജനങ്ങൾക്ക് ഭൂമി പരിധി നോക്കാതെ ആനുകൂല്യം നൽകണമെന്ന് വയോജനവേദി യോഗം ആവശ്യപ്പെട്ടു.
ഇപ്പോൾ കൊടുക്കുന്ന 1000 രൂപ 10000 ആയി ഉയർത്തുക, പൊതുവാഹനങ്ങളിൽ യാത്ര സൗജന്യമാക്കുക, വർഷത്തിൽ ഒരു തവണയെങ്കിലും വയോജനങ്ങൾക്കായി വിനോദയാത്ര സംഘടിപ്പിക്കുക, എസ്്സി, എസ്്ടി വിഭാഗത്തിൽപെട്ടവരെ സർക്കാർ ഏറ്റെടുക്കുക, വയോജനങ്ങൾക്ക് വേണ്ടി പുതിയ നിയമമുണ്ടാക്കുക തുടങ്ങിയ ആവശ്യങ്ങൾ ഉന്നയിച്ച് സർക്കാരിന് നിവേദനം നൽകുവാനും യോഗം തീരുമാനിച്ചു.
പഞ്ചായത്തംഗം എം.ടി. കരുണാകരൻ ഉദ്ഘാടനം ചെയ്തു. പ്രസിഡന്റ് ബേബി കൈനിക്കുടി അധ്യക്ഷത വഹിച്ചു. വി.എ. ലക്ഷമണൻ, കെ.പി. ജോർജ്, കൃഷ്ണൻകുട്ടി, വർഗീസ് തേങ്ങാനത്ത്, റാണിടീച്ചർ, കെ.എസ്. മഹേശൻ, മോളി എന്നിവർ പ്രസംഗിച്ചു.
ഭൂമിപരിധി നോക്കാതെ വയോജനങ്ങൾക്ക് ആനുകൂല്യം നൽകണം
12:24 AM Feb 19, 2017 | Deepika.com