മാനന്തവാടി: കേരളസംസ്ഥാന ഉന്നതവിദ്യാഭ്യാസവകുപ്പിന്റെ നൂതനസംരംഭമായ വോക്ക് വിത്ത് എ സ്ക്കോളർ’ പരിപാടിയുടെ ഭാഗമായി മാനന്തവാടി മേരിമാതാ ആർട്സ് ആൻഡ് സയൻസ് കോളജിൽ സംഘടിപ്പിച്ച ത്രിദിന പഠനഗവേഷണ ശിൽപശാല ഡോക്യുമെന്ററി സംവിധായകനും പരിസ്ഥിതി-സൗഹൃദകൃഷിരീതിയുടെ പ്രചാരകനും ആക്ടിവിസ്റ്റും യുവഎഴുത്തുകാരനുമായ ഷബിൽ കൃഷ്ണൻ ഉദ്ഘാടനം ചെയ്തു.
പ്രശസ്ത ഡോക്ടറും കേന്ദ്രസർക്കാർ സർവീസിൽ ഡെപ്യൂട്ടി അക്കൗണ്ടന്റ്് ജനറലുമായിരുന്ന ഡോ. പി. സരിൻ ന്ധപൊതുജനാരോഗ്യവും സാന്ത്വനചികിത്സയും’ എന്ന വിഷയത്തിൽ ക്ലാസെടുത്തു. സുധീഷ് കുമാർ, കെ. ഷിബു, ബിനു മാങ്കൂട്ടം തുടങ്ങിയവർ വിവിധ വിഷയങ്ങളിൽ ക്ലാസെടുക്കും. മൂന്നു ദിവസങ്ങളിലായി പത്തോളം ഡോക്യുമെന്ററികളും പ്രദർശിപ്പിക്കും. ശിൽപശാല ഇന്ന് അവസാനിക്കും. ഉദ്ഘാടന സമ്മേളനത്തിൽ കോളജ് പ്രിൻസിപ്പൾ ഡോ. സാവിയോ ജെയിംസ്, മാനേജർ ഫാ. ചാണ്ടി പുനക്കാട്ട്, ഡബ്ല്യുഡബ്ല്യുഎസ് കോ-ഓർഡിനേറ്റർ ഡോ. പി.പി. ഷാജു, ജെസ്ന ജെയിംസ് എന്നിവർ പ്രസംഗിച്ചു.
പഠനഗവേഷണ ശിൽപ്പശാല ഉദ്ഘാടനം ചെയ്തു
12:24 AM Feb 19, 2017 | Deepika.com