മാർച്ച് നടത്തി
12:53 AM Feb 15, 2017 | Deepika.com
മാനന്തവാടി: മാനന്തവാടി ബ്ലോക്ക് പഞ്ചായത്ത് എൻട്രൻസ് കോച്ചിംഗുമായി ബന്ധപ്പെട്ട് തട്ടിപ്പ് നടത്തിയ പ്രസിഡന്റും വൈസ് പ്രസിഡന്റും രാജിവയ്ക്കണമെന്ന് ആവശ്യപ്പെട്ട് ഡിവൈഎഫ്ഐയുടെ നേതൃത്വത്തിൽ മാനന്തവാടി ബ്ലോക്ക് പഞ്ചായത്ത് ഓഫീസിലേക്ക് മാർച്ച് നടത്തി. ഭരണസമതി രാജിവച്ചില്ലെങ്കിൽ സമരം ശക്തമാക്കുമെന്നും ഡിവൈഎഫ്ഐ നേതാക്കൾ പറഞ്ഞു. പട്ടികവർഗ വിദ്യാർഥികൾക്ക് എൻട്രൻസ് കോച്ചിംഗ് നൽകിയെന്ന വ്യാജരേഖയുണ്ടാക്കി ലക്ഷങ്ങൾ തട്ടിയെടുക്കാൻ ശ്രമിച്ചതിനെ തുടർന്ന് വിജിലൻസ് കേസിൽ ഉൾപ്പെട്ട ബ്ലോക്ക് പഞ്ചായത്ത് പ്രസിഡന്റ് പ്രീത രാമൻ, വൈസ് പ്രിസിഡന്റ് കെ.ജെ. പൈലി എന്നിവർ ഉടൻ സ്ഥാനം രാജിവച്ച് പുറത്ത് പോകണമെന്ന് ആവശ്യപ്പെട്ടാണ് ഡിവൈഎഫ്ഐ മാനന്തവാടി ബ്ലോക്ക് കമ്മിറ്റിയൂടെ ആഭിമുഖ്യത്തിൽ മാർച്ച് നടത്തിയത്. കഴിഞ്ഞ ഭരണസമതിയും തട്ടിപ്പിന് കുട്ടുനിന്നു. ഭരണസമിതി രാജി വച്ചില്ലെങ്കിൽ ശക്തമായ സമര പരിപാടികളുമായി ഡിവൈഎഫ്ഐ മുന്നോട്ട് പോക്കുമെന്ന് മാർച്ച് ഉദ്ഘാടനം ചെയ്ത ഡി വൈഎഫ്ഐ ജില്ലാ സെക്രട്ടറി കെ. റഫീക്ക് പറഞ്ഞു. ജില്ലാ കമ്മറ്റി അംഗം രഞ്ചിത്ത് മാനിയിൽ, എം.എഫ്. ഫ്രാൻസിസ്, കെ.പി. ഷിജു, അജിത്ത് വർഗീസ്, സുജിത്ത് എന്നിവർ പ്രസംഗിച്ചു.