പൈനാപ്പിൾതോട്ടത്തിന് തീപിടിച്ചു
11:04 PM Feb 13, 2017 | Deepika.com
പെരുന്പാവൂർ: ചേലക്കുളം കാവുങ്കൽ പറന്പിൽ പൈനാപ്പിൾ തോട്ടത്തിന് തീപിടിച്ചു. കുഴിവേലിപടി മരോട്ടിക്കൽ അബ്ദുൾ അസീസിസിന്റെ ഉടമസ്ഥതയിലുള്ള രണ്ട് ഏക്കർ തോട്ടമാണ് കത്തി നശിച്ചത്. സമീപത്ത് വീടുകളുണ്ടായിരുന്നെങ്കിലും ഫയർഫോഴ്സിന്റെ സമുചിതമായ ഇടപെടൽ മൂലം തീയണച്ചു. പട്ടിമറ്റം ഫയർഫോഴ്സ് സ്റ്റേഷൻ അടുത്തുണ്ടായിരുന്നെങ്കിലും സമീപത്ത് മറ്റൊരു തീപിടുത്തം നടന്നതിനാൽ അവർ അവിടെയുണ്ടായിരുന്നില്ല തുടർന്ന് പെരുന്പാവൂർ ഫയർ ഫോഴ്സ് യൂണിറ്റെത്തിയാണ് തീയണച്ചത്. പെരുന്പാവൂർ അസി. സ്റ്റേഷൻ ഓഫീസർ എൻ. എച്ച്. അസൈനാരുടെ നേതൃത്വത്തിൽ ലീഡിംഗ് ഫയർമാൻ പി.കെ. സന്തോഷ്, കെ.ആർ. അനീഷ്, എസ്.വി. ശ്രീക്കുട്ടൻ, വി.ആർ. ഗോപകുമാർ, സാബു തോമസ്, സി.എസ്. അനിൽകുമാർ എന്നിവരുടെ നേതൃത്വത്തിലാണ് തീയണച്ചത്.