പെ​രു​മ​ണ്ണൂ​രി​ലെ മോഷണം: അ​ന്വേ​ഷ​ണം പോലീസിനെ കുഴക്കുന്നു

കോ​ത​മം​ഗ​ലം: പെ​രു​മ​ണ്ണൂ​രി​ൽ വീ​ട് കു​ത്തി​ത്തു​റ​ന്നു ക​വ​ർ​ച്ച ന​ട​ത്തി​യ സം​ഭ​വ​ത്തി​ൽ അ​ന്വേ​ഷ​ണം പോ​ലീ​സി​നെ കു​ഴ​ക്കു​ന്നു. പെ​രു​മ​ണ്ണൂ​ർ മാ​ളി​യേ​ക്ക​ൽ ജോ​സ​ഫി​ന്‍റെ വീ​ട്ടി​ലാ​ണ് ശ​നി​യാ​ഴ്ച രാ​ത്രി മോ​ഷ​ണം ന​ട​ന്ന​ത്. വീ​ടി​നു​ള്ളി​ലെ മേ​ശ​യ്ക്കു​ള്ളി​ൽ സൂ​ക്ഷി​ച്ചി​രു​ന്ന അ​ഞ്ച​ര ല​ക്ഷ​ത്തോ​ളം രൂ​പ​യാ​ണ് മോ​ഷ്ടാ​ക്ക​ൾ അ​പ​ഹ​രി​ച്ച​ത്.
സ​മീ​പ​വാ​സി​ക​ളാ​യ ആ​ർ​ക്കെ​ങ്കി​ലും സം​ഭ​വ​ത്തി​ൽ പ​ങ്കു​ണ്ടെ​ന്ന നി​ഗ​മ​ന​ത്തി​ലാ​ണ് പോ​ലീ​സ്. മോ​ഷ​ണം ന​ട​ന്നു ര​ണ്ടു ദി​വ​സം പി​ന്നി​ട്ടി​ട്ടും മോ​ഷ്ടാ​ക്ക​ളെ സം​ബ​ന്ധി​ച്ച് യാ​തൊ​ര സൂ​ച​ന​യും പോ​ലീ​സി​നു ല​ഭി​ച്ചി​ട്ടി​ല്ല. തെ​ളി​വ് ന​ശി​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ മു​ള​കു​പൊ​ടി വി​ത​റി​യ ശേ​ഷം മോ​ഷ്ടാ​ക്ക​ൾ ര​ക്ഷ​പ്പെ​ട്ട​ത് പ​തി​വാ​യി മോ​ഷ​ണം ന​ട​ത്തു​ന്ന സം​ഘ​മാ​ണ് പി​ന്നി​ലെ​ന്ന നി​ഗ​മ​ന​ത്തി​ലാ​ണ് പോ​ലീ​സ്. പ്ര​ദേ​ശ​വാ​സി​ക​ളി​ൽ നി​ന്നോ മോ​ഷ​ണം ന​ട​ന്ന വീ​ടു​മാ​യി ബ​ന്ധ​മു​ള്ള​വ​രി​ൽ നി​ന്നോ മോ​ഷ്ടാ​ക്ക​ൾ​ക്ക് സ​ഹാ​യം ല​ഭി​ച്ചി​രി​ക്കാ​നു​ള്ള സാ​ധ്യ​ത​യും പോ​ലീ​സ് ത​ള്ളി​ക്ക​ള​യു​ന്നി​ല്ല. പ്രാ​ഥ​മി​ക അ​ന്വേ​ഷ​ണം ഈ ​വ​ഴി​ക്കു ത​ന്നെ​യാ​ണ് നീ​ങ്ങു​ന്ന​ത്. ജോ​സ​ഫി​ന്‍റെ വീ​ട്ടി​ൽ നി​ന്നു രൂ​പ​യും ഡോ​ള​റും ഉ​ൾ​പ്പെ​ടെ​യു​ള്ള പ​ണ​മാ​ണ് ക​വ​ർ​ച്ച ചെ​യ്ത​ത്. ജോ​സ​ഫും ഭാ​ര്യ​യും വീ​ട്ടി​ലു​ണ്ടാ​യി​രു​ന്നി​ല്ല. ഇ​തു മ​ന​സി​ലാ​ക്കി​യാ​ണ് മോ​ഷ്ടാ​ക്ക​ളെ​ത്തി​യ​ത്. മു​ൻ വ​ശ​ത്തെ വാ​തി​ലി​ന്‍റെ പൂ​ട്ട് ത​ക​ർ​ത്താ​ണ് അ​ക​ത്തു​ക​ട​ന്ന​ത്. മേ​ശ​യു​ടെ ഉ​ള്ളി​ൽ സൂ​ക്ഷി​ച്ചി​രു​ന്ന പ​ണ​മാ​ണ് അ​പ​ഹ​രി​ച്ച​ത്. അ​ല​മാ​ര തു​റ​ക്കാ​നു​ള്ള ശ്ര​മം പ​രാ​ജ​യ​പ്പെ​ട്ട​തി​നാ​ൽ സ്വ​ർ​ണാ​ഭ​ര​ണ​ങ്ങ​ൾ ന​ഷ്ട​പ്പെ​ട്ടി​ല്ല. വി​ര​ല​ട​യാ​ള വി​ദ​ഗ്ധ​രെ​ത്തി പ​രി​ശോ​ധ​ന ന​ട​ത്തി​യെ​ങ്കി​ലും കാ​ര്യ​മാ​യ തെ​ളി​വു​ക​ൾ ല​ഭി​ച്ചി​ട്ടി​ല്ല. പോ​ലീ​സ് നാ​യ​യെ എ​ത്തി​ച്ചു തെ​ളി​വ് ശേ​ഖ​രി​ക്കാ​നു​ള്ള ശ്ര​മ​വും പ്ര​യോ​ജ​നം ചെ​യ്തി​ല്ല. കോ​ത​മം​ഗ​ല​ത്തും മ​റ്റു പ്ര​ദേ​ശ​ങ്ങ​ളി​ലും ആ​ളി​ല്ലാ​ത്ത വീ​ടു​ക​ളി​ൽ മോ​ഷ​ണം പ​തി​വാ​കു​ക​യാ​ണ്. ത​ങ്ക​ള​ത്ത് വീ​ടി​ന്‍റെ വാ​തി​ലും ജ​ന​ലി​ന്‍റെ ഇ​രു​ന്പ​ഴി​യും ക​ട്ട​ർ ഉ​പ​യോ​ഗി​ച്ച് മു​റി​ച്ച് അ​ക​ത്ത് ക​യ​റി മോ​ഷ​ണം ന​ട​ത്തി ര​ണ്ടു മാ​സം പി​ന്നി​ട്ടി​ട്ടും ഈ ​കേ​സി​ലും പോ​ലീ​സി​ന് യാ​തൊ​രു തു​ന്പും ല​ഭി​ച്ചി​ട്ടി​ല്ല.
പെ​രു​മ​ണ്ണൂ​ർ പോ​ലു​ള്ള ഉ​ൾ​പ്ര​ദേ​ശ​ങ്ങ​ളി​ൽ പോ​ലും വീ​ട്ടു​കാ​ർ സ്ഥ​ല​ത്തി​ല്ലെ​ന്ന് മ​ന​സി​ലാ​ക്കി മോ​ഷ്ടാ​ക്ക​ൾ കൃ​ത്യ​മാ​യി എ​ത്തു​ന്ന​ത് പോ​ലീ​സി​നെ അ​ന്പ​ര​പ്പി​ക്കു​ക​യാ​ണ്. മോ​ഷ്ടാ​ക്ക​ൾ​ക്ക് ആ​ളി​ല്ലാ​ത്ത​തും സാ​ന്പ​ത്തി​ക​മു​ള്ള​തു​മാ​യ വീ​ടു​ക​ളു​ടെ വി​വ​ര​ങ്ങ​ൾ കൈ​മാ​റു​ന്ന ഏ​ജ​ന്‍റു​മാർ ഉ​ൾ​പ്പെ​ടു​ന്ന ശൃം​ഖ​ല​യും പി​ന്നി​ൽ പ്ര​വ​ർ​ത്തി​ക്കു​ന്നു​ണ്ടെ​ന്ന സം​ശ​യ​വും ബ​ല​പ്പെ​ടു​ക​യാ​ണ്.